Вести › Набрзинка

Чистка во МВР: Тошковски разреши седум началници и командири

18 март 2025

Министерот за внатрешни работи Панче Тошковски денеска донесе неколку одлуки за разрешување на началници, помошници на началници и командир на полициска станица во Штип и Кочани.
Сите овие одлуки се поврзани со несреќата во Кочани и загинувањето на 59 лица во големиот пожар во дискотеката „Пулс“.
Разрешени се началникот на Сектор за внатрешни работи Штип, помошник началник на СВР Штип, началникот на Одделение за полиција Штип, началникот на Одделение за криминалистичка полиција Штип, началникот на Одделение за внатрешни работи Кочани, командирот на полициската станица од општа надлежност во Кочани и началникот на Надворешна канцеларија за криминалистички работи Кочани.

18 март 2025

Бундастагот ги изгласа измените на германскиот устав за да дозволи подигнување на должничката кочница и буџетско задолжување за одбрана.
Се основа и фонд од 500 милијарди евра за инвестиции во наредните 12 години.
Токму за нивото на задолженост падна владата на Олаф Шолц заради што беа одржани предвремени избори. Се работи за голем пресврт во германската политика која со децении беше претпазлива кон инфлацијата и против претерано вооружување.
„Русија не води војна само во Украина“, рече пред гласањето канцеларот Мерц. „Тоа е војна и против нашата зема која се одвива секојдневно со напади на нашите податоци и мрежи, уништување на инфраструктурата, палења и нарачани убиства во срцето на нашата земја“.

18 март 2025

Локалното население уверува дека таму имало најмалку 10 тони гориво, што, доколку неодамнешниот пожар во дискотеката се проширел, ќе предизвикало разорна експлозија со катастрофални последици.
Kочанчани тврдеа дека огромниот резервоар со нафта е на сопственикот на дискотеката, кој веќе е уапсен, но министерот Тошковски објасни дека тој бил празен и според првичните информации, не е поврзан со сопственичката структура на дискотеката.
„Чиста среќа е што не се крена во воздух цело Кочани“, велат очевидци кои го покажале местото на складиштеното гориво.