- Како и секој што пуштил чекор по Водно, така и Марх.мк ги интересира чии се и од кога потекнуваат најразлични камени ѕидови расфрлани по страните на патеките на Водно.
- Нивен сомнеж е дека во делот меѓу она што е денес Средно Водно и Марково крувче, во некои дамнешни векови постоела тврдина, па од таму и ѕидовите.
- Една сосема друга, далеку повозбудлива „да не останеме покусо“ теорија, тврди дека камењата се дел од ѕидини поврзани со - пирамида, која постои под дел од Водно.
- Хашкиот трибунал му изрече единствена казна од 25 години затвор на поранешниот лидер на ОВК, Хашим Тачи, поради воени злосторства на Косово, во периодот од април 1998 до јуни 1999 година.
- Во казната ќе му бидат пресметани и шесте години што ги помина во притвор во Хаг.
- Тачи е прогласен за виновен за 4 од десетте точки од обвинението за воени злосторства: за произволно лишување од слобода, за мачење, за сурово постапување и за убиства на 96 луѓе.
- „Како главен командант и клучен политички лидер, тој имал ефективна контрола врз ОВК и учествувал во широко распространетиот и систематски напад врз цивилното население и неистомислениците“, објави судот.
- Независно од оваа пресуда, против Тачи во Хаг почнува уште еден судски процес под обвинение за влијание и застрашување на сведоци во притворот, за што обвинителството бара уште 6 години затвор.
- Со 25 години затвор e казнет и портпаролот на ОВК, Јакуп Красниќи. Кадри Весели доби 18 години, а шефот на оперативниот директорат Реџеп Селими 13 години затвор. Сите се прогласени за виновни за истите точки од обвинението.
- Урсула фон дер Лајен ја покани Канада да биде првата „придружна членка“ на Европската Унија.
- Во обраќањето пред европските пратеници, на кое присуствуваше и канадскиот премиер Марк Карни, претседателката на Европската комисија, најави наградување на трговскиот договор CETA со Отава во нова и сеопфатна „Алијанса за иднината“ за заеднички просперитет и економска безбедност.
- „Ќе го претвориме Арктикот во водечки заеднички проект. Ќе работиме на енергетиката, критичните минерали и батериите, како и на вештачката интелигенција, квантните технологии, сајбер-безбедноста и економската безбедност“, изјави Фон дер Лајен.
- Трговскиот договор CETA, усвоен пред девет години, сè уште треба да биде ратификуван од десет земји-членки на ЕУ, кои стравуваат од трговска конкуренција.
- Премиерот Карни утре ќе се обрати пред Европскиот парламент. Канада и ЕУ ќе одржат самит кон крајот на октомври во Монтреал.
