- Британското кралско семејство поседува едно од најголемите и највредни портфолија на недвижнини во светот, од екстравагантни палати и замоци до поскромни преноќишта со појадок.
- Сето тоа сега преоѓа во раце на новиот монарх, кралот Чарлс Трети.
- Сепак, и тој ќе мора да се откаже од значајно богатство, она што му припаѓа како војвода од Корнвел.
- Се работи за имот вреден над две милијарди долари кој ќе му припадне на принцот Вилијам, кој на постоечката титула војвода од Кембриџ, веќе ја додаде и титулата војвода од Корнвел.
- Вилијам нема да смее да го продава имотот но ќе прибира озбилна сума од изнајмување на имотите.
- Германската полиција трага по исламистичкиот екстремист Абдул Б., кој синоќа со комбе влета во толпа на Парада на гордоста во парк во центарот на Берлин. Едно лице загинало, а 16 се повредени, вклучувајќи тројца во критична состојба.
- Осомничениот имал полициско досие поради поврзаност со исламистички кругови. Во мај бил пуштен од поправен дом за малолетници.
- Се истражува и дали во нападот учествувале и други лица, кои биле заедно со Абдул во комбито. Неколкумина од повредените имале рани од убоди со нож, а сведоци пријавиле дека виделе маж кој носел мачета.
- Во потрагата се вклучени службите за безбедност во Холандија, Белгија, Луксембург, Франција, Австрија, Швајцарија, Чешка, Полска и Данска.
- Украински воени дронови погодиле ирански трговски брод во Касписко Море. При експлозијата загинал еден морнар.
- Техеран го опиша нападот како чин на агресија и објави дека ќе ги брани своите национални интереси и безбедност. Го обвини Киев дека се обидува да ја прошири својата војна со Русија.
- Шефот на дипломатијата Абас Арагчи протестирал до Обединетите нации и ЕУ и ја повика меѓународната заедница да го осуди украинскиот напад. Тој истакна дека Иран никогаш досега не интервенирал во војната помеѓу Русија и Украина.
- Украинскиот претседател Володимир Зеленски претходно соопшти дека Киев постигнал „многу добри резултати“ со напади со голем дострел во Касписко Море, при што биле погодени бродови за транспорт на воен товар во кој е вклучен Иран, како и еден воен брод. Меѓу целите не го спомна иранскиот трговски брод.
- Зеленски додаде дека Русија му пренесува на Иран извидувачки сателитски снимки од Блискиот Исток за да му помогне во војната против САД.
