Вести › Набрзинка

Чаир: Калаши и насилници ги координираат гласовите на ДУИ пред 8 мај

5 мај 2024

Се очекуваат инциденти, а Груби ќе диригира од илегала, пишува МКД.мк.
Активисти на ДУИ деновиве оделе од врата до врата во скопската населба Чаир и со списоци во раце прашувале за кого ќе се гласа. Се оди исклучиво кај Албанци и граѓани од исламска вероисповест.
Ова го сведочат десетици чаирчани, сите етнички Албанци, кои се чувствувале буквално принудени да одговараат на прашањата на активистите на ДУИ без притоа да добијат какво било објаснување за ненадејната посета.
„Тие имаат списоци со нашите имиња. Знаат кои сме, и се сомневаат дали ќе гласаме за ДУИ. Сите семејства во Чаир добро се познаваме. Мене ме посетија во средата, на 1 мај, неработен ден. Ме фатија во пижами. Добро утро, ние сме од ДУИ, кажи за кого ќе гласаш, ме прашаа. Се збунив а и се исплашив. Ние тука во Чаир многу добро ги познаваме кои се што се, а и на што сè се подготвени. Викам, за вас ќе гласам, за четворка. А добро, така треба, ми одговорија и запишаа нешто во тетратката. Ми се обратија како на куче и си заминаа“, раскажува жител на Чаир.
„Нема друго, ќе биде лошо во албанскиот блок. Нема шанси да има влада без ДУИ. На 8 мај на денот на изборите, на гласачките места кај Албанците главна улога ќе играат калаши и насилници. Таравари со освоените гласови во првиот круг на претседателските избори буквално направи цунами меѓу Албанците. Имаше неколку инциденти и тепачки меѓу штабовите уште во првиот круг. Се тепавме меѓу себе. Можеш да замислиш што ќе биде на 8 мај“, вели извор на МКД.мк од чаирскиот огранок на ДУИ.

извор

Русјаков: Можеби не сме спремни за војна, ама ќе ја пречекаме дотерани

26 септември 2026

Кога сме кај Нордистан, видов наслов – ќе се градат четири трговски центри низ државата.
Светот упорно инсистира на војна, ама вистинска, со војски, фронтови и нуклеарна ерекција. Некои велат дека третата светска војна веќе почнала, сега засега на одредени точки на планетата, со тенденција да се прошири и да стане глобална заебанција. Британија им порача на своите граѓани да складираат храна, затоа што војната наближува. Естонија со својата моќна неколкуилјадна армија ѝ се закани на Русија дека ќе ја столчи за 48 часа.
И Балканот се вооружува, патем токму сега некому му текна да крева меѓуетничка тензија, а секому му е јасно дека во такви случаи кај балканските народи многу брзо расте воената ерекција за сметка на брзиот пад на природната интелигенција.
А Македонија – опкружена со аздисани соседи спремни веднаш да ни ја распарчат приказната, затоа што секогаш нè гледале како дел од својата територија? Јасно е дека ќе станеме дел од моќната нордистанско-естонска ударна бригада и сите херојски ќе загинеме пред да стигнеме на фронт, од настинки поради студот – мултивитамините сигурно ќе ни бидат со истечен рок – па ќе ги оставиме Естонците сами да ја прегазат Русија.

извор

Ако може Полска да запре мигранти, мора да може и ЕУ

25 септември 2026

Полска побара од Европската Унија да дозволи привремено суспендирање на барањата на азил во случаи на намерно предизвикан бран на масовна миграција, каков што неодамна претрпе Шпанија на својата територија Сеута.
Варшава го наведува сопствениот пример. Лани во март престана да регистрира барања за азил од мигранти од Белорусија, оценувајќи дека властите во Минск и Москва намерно испратиле десетици илјади мигранти кон границата за да ја дестабилизираат Полска. Мерката имаше привремен карактер, но сè уште е на сила.
„Кризата во Сеута, кога повеќе од 70.000 луѓе ненадејно преминаа од Мароко во шпанската енклава, ѝ стави до знаење на ЕУ дека и други земји можат да бидат погодени од слични гранични кризи како Полска“, изјави Мачеј Душчик, заменик-министер за внатрешни работи задолжен за миграции.
Тој објасни дека суспензијата на правото на азил е целосно во согласност со меѓународното право. Лицата од најранливите категории – бремени жени, деца или оние што се соочуваат со прогон во Белорусија – сè уште можат да поднесат барање за азил. „Секој на границата има право да ја објасни својата ситуација“.
Урсула фон дер Лајен најави дека Европската комисија наскоро ќе предложи нова „рамка за итен одговор“, која би овозможила флексибилност во примената на стандардните миграциски процедури во специфични околности и за ограничен временски период.

извор