Вести › Набрзинка

Бугарското МНР смета дека забраната за фашистички имиња на здруженија ги ограничува правата на Бугарите во земјава

5 ноември 2022

Бугарското Министерство за надворешни работи е загрижено дека ќе се ограничат правата на Бугарите во Македонија, поради законските измени за формирање здруженија.
Македонското Собрание на почетокот од овој месец изгласа измени на Законот за здруженија и фондации, со кои се забранува именување здруженија според спорни историски личности кои се поврзуваат со фашизам.
Законот ги засегнува бугарските здруженија во земјава, Иван Михајлов во Битола и цар Борис Трети во Охрид кои имаат рок од три месеци да ги усогласат своите имиња или ќе бидат избришани од Централниот регистар.

6 октомври 2026

Во досегашните проверки на системот се откриени над 4.500 лажни корисници на социјална помош.
Премиерот Мицкоски изјави дека меѓу лицата за кои државата исплаќала средства имало починати лица, иселени граѓани, но и фиктивни корисници.
Тој процени дека на годишно ниво од државниот буџет биле издвојувани повеќе од една милијарда, а можеби и до 1,5 милијарди денари за исплати на вакви корисници или околу 25 милиони евра.
Проверките сè уште не се завршени. Останува да бидат проверени уште приближно една петтина до една шестина од вкупниот број корисници.