Бразилските фудбалски фанови појадуваат македонски мусли (спон.)
11 јули 2014
Вести › Набрзинка
Биланс од невремето во Скопје: 15 повредени, 35 покриви, 189 дрвја и 117 коли
22 јули 2026
- На 15 луѓе им е укажана лекарска помош од повреди предизвикани од невремето во Скопје. Двајца со потешки повреди се задржани на лекување.
- За само четири часа ЦУК добил 8.300 повици на бројот за итни случаи 112.
- Регистрирани се 35 откорнати покриви, 189 паднати дрвја и 117 оштетени возила. Имало и пет пожари.
- Ветерот откорнал парчиња од кровните конструкции на Клиничкиот центар во Штип и на болницата „8 Септември“ во Скопје.
- Штети на покриви и на автомобили се пријавени и во Штип, Куманово, Тетово, Свети Николе, Пробиштип и Струмица.
- Поради протекување на покривот, биле одложени летови од Меѓународниот аеродром Скопје.
- Силен ветер и пороен дожд ќе има и попладнево, предупреди УХМР. Во петок се очекуваат пообилни врнежи и пад на температурите.
САД досега потрошиле 37,5 милијарди долари на војната со Иран
22 јули 2026
- Трошоците на САД за војната во Иран достигнале 37,5 милијарди долари, изјави министерот за одбрана Пит Хегсет во сведочење пред Конгресот. Тоа се над 260 милиони долари на ден, откако војната почна на 28 февруари.
- Извори на CBS укажуваат дека цената на војната е всушност многу повисока, бидејќи во сумата што ја спомнал Хегсет не е вклучена штетата што иранските ракети ја предизвикале врз американските воени бази во регионот.
- Администрацијата на Трамп побара од Конгресот дополнителен фонд од 67 милијарди долари за покривање на трошоците од војната и за обнова на клучните воени залихи. Ова вклучува и 21 милијарда долари за борбена готовност и замена на воената опрема.
- На прашањата дали САД ги исполниле целите на војната и попрецизно дали го спречиле Иран да ја обнови својата нуклеарна програма, Хегсет призна дека „некои ирански балистички проектили ги преживеале бомбардирањата затоа што биле префрлени во длабоки бункери“.
