Вести › Набрзинка

Браво за Д ФЕСТИВАЛ: Бесплатен и хуманитарен

22 мај 2025

Д ФЕСТИВАЛ, најголемиот летен open-air музички фестивал во Македонија оваа година одбележува јубилејно 15 издание кое ќе се одржува од 4 до 6 јули во Штип и со бројни новости во својот програмски концепт.
Оваа година добива поголема хуманитарна мисија која Фестивалот ја реализира во соработка со иницијативата „Support Kocani“. Д Фестивал ова лето ќе биде со бесплатен влез за сите посетители, но со можност за купување на т.н. хуманитарни билети. Цената на хуманитарниот билет е 1500 денари, а сите собрани средства ќе бидат наменети за иницијативата „Support Kocani“. Билетите од денеска се достапни во продажба на МкТикетс
АРХАНГЕЛ, КИРИЛ ЏАЈКОВСКИ кој ќе настапи заедно со TK WONDER и ROOTSMAN I, МИЗАР, ФОЛТИН, ЉУБОЈНА, ПИЈАН СЛАВЕЈ, ПАРКЕТИ... ДИНА ЈАШАРИ, PEACH VICE, DOPE KUKJATA, Последен удар, Princess Donatsu, Don Playa, ZEE & Matej Foltz, Кем, Moira, Nikartic, Gwass, диџеите Флудер и Мана.
Доаѓаат британските дарк-рок пионери THE SISTERS OF MERCY! Од Јамајка пристигнуваат вистинските легенди INNER CIRCLE! Фановите на најжестокиот звук пак, ќе имаат чест да уживаат во настапот на култниот бразилско-американски метал бенд SOULFLY, предводен од славниот Макс Кавалера.

извор

Кочански ужас во Кран-Монтана

1 јануари 2026

Швајцарската полиција соопшти дека „неколку десетици“ луѓе загинаа а над 100 се повредени во пожарот што избувнал во бар во популарното скијачко место Кран-Монтана.
Италијанското министерство за надворешни работи излезе со бројка од 40 загинати, но таа не е конечна.
Трагедијата во барот „Le Konstelasion“ во монденското место има морничави сличности со македонската трагедија во кочанскиот клуб Пулс. Пожарот настанал од пиротехника поставена на шишиња која го запалила таванот па настанала паника. Час и половина после полноќ се слушнала и силна експлозија.

извор

Сокол на двете страни на Шутка

31 декември 2025

Поранешниот директор на затворот „Скопје“ во Шуто Оризари, Филип Андов – Сокол, е осуден на казна затвор во траење од осум месеци за злоупотреба на службената положба и овластување.
На останатите обвинети, шест затворски полицајци, им се изречени условни казни затвор кои нема да се реализираат доколку во наредните една, односно три години, не сторат ново кривично дело.
Обвинетите на петмина осуденици им овозможиле незаконски погодности. Осудените биле спроведувани до своите домови и до други локации за приватни потреби, спротивно на пропишаната постапка.
Од СДСМ ја обвинија актеулната власта дека преку „нарачани судски пресуди“ врши директна репресија врз партиски функционери од опозицијата.
ВМРО-ДПМНЕ велат дека Андонов неодамна беше назначен за член на Извршниот одбор на опозициската партија за да може пресудата за него подоцна да се претстави како политички прогон.

извор