Вести › Набрзинка

Битно се врти пара: ЕСМ со загуба од 28 милиони евра, a ЕВН....(едит)

18 мај 2022

Државната компанија ЕСМ ја заврши 2021 година со катастрофален минус од 28 милиони евра. Минусот од претходната минусот беше 16,7 милиони евра.
Истовремено, австриската „ЕВН АД Скопје“ ја завршила минатата година со добивка токму од 28 милиони евра. Во 2020 година пак, нејзината добивка била 29,5 милиони евра.
За незаконското повлекување на струја во октомври, МЕПСО доби фактура од 16,5 милиони евра. Но, МЕПСО од државната каса за решавање на енергетската криза доби повеќе од 16 милиони евра. Годината ја завршиле со плус од 950.000 евра, откако онаа претходната ја завршија со минус од 5,8 милиони евра.
До февруари оваа година, за справување со енергетската криза, на државната ЕСМ ѝ беа префрлени 170 милиони евра.

ЕДИТ: Изворот ја сменил веста па сега во наслов се вели: „ЕВН ЕЛЕКТРОДИСТРИБУЦИЈА ВО МИНУС 40 МИЛИОНИ ЕВРА“

24 мај 2025

Генералниот секретар на ОН, Антонио Гутереш алармираше дека Газа се соочува со најсуровата фаза од војната поради драстичниот недостаток на основни хуманитарни потрепштини.
На почетокот на март, Израел воведе 11-неделна блокада на помошта.
Неодамна дозволи влез на ограничен број камиони со хуманитарна помош преку преминот Керем Шалом но и тие камиони попат биваат ограбени од бандити или очајни цивили.
Гутереш предупреди дека одобрените залихи се еднакви на „лажичка помош во време кога е потребна поплава“ и дека само околу една третина од камионите со помош стигнале до магацините во Газа поради безбедносни ризици.

23 мај 2025

Американскиот претстедател ја разгорува трговската војна против светот заканувајќи ѝ се на Европската Унија со царини од 50 проценти.
Истовремено, ја искористи приликата да се закани со високи давачки од 25% за Ајфони на Епл кои се произведуваат надвор од САД.
Трамп тврди дека ЕУ е многу тешка за договaraање а актуелното „искористување“ на Америка е неприфатливо.
Со овие потези паднаа во вода надежите дека трговската војна на Трамп се лади, откако со Кинезите договорија тајм-аут од 90 дена.
Професорот Џефри Сакс тврди дека она што Трамп не го разбира се учи на вториот ден од неговата школа за меѓународна монетарна политика. Види: Економски лекции за Трамп