Стотици граѓани предводени од оној цреп Џамбаски (види: Говно глупо и нацистичко и Остав, Џамбаски, остав) направија тензии пред Народниот театар „Иван Вазов“ во Софија, незадоволни од поставувањето на претставата „Arms and the Man“ на Бернард Шо под режисерската палка на Џон Малкович.
Бараат симнување на претставата и оставка од директорот на театарот, Васил Василев.
Претставата била антибугарска, ги исмевала бугарските војници и бугарскиот народ.
Володимир Зеленски побара санкции за компании од САД, Британија, Германија и од други земји што ги заобиколуваат санкциите за Русија и ѝ доставуваат делови за муницијата и оружјето со кое ја бие Украина.
При масовниот комбиниран удар врз Украина на 5 октомври, Русија употреби 549 оружени системи, кои содржеа 102.785 компоненти произведени во странство - во САД, Кина, Тајван, Британија, Германија, Швајцарија, Јапонија, Јужна Кореја и Холандија. Вкупно 100.688 делови произведени во странство имаше во дроновите, 1.500 во проектилите „искендер“, 122 во „кинџалите“ и 405 во проектилите „калибр“, порача Зеленски.
Компании во САД произведуваат конвертори за проектилите Х-101 и дроновите Шахид, како и сензори за дронови и проектили Кинџал. Микроелектроника за руски проектили и дронови обезбедуваат компании во Кина, Тајван, Швајцарија и Британија. Оптоизоларотите за крстосувачките проектили Русија ги добива од Јапонија, а прекинувачите од Германија. Во руското оружје има и процесори произведени во Холандија и сервомотори и лагери од Јужна Кореја.
„Украина подготвува нови санкции за оние што ѝ помагаат на Русија и на нејзината војна. Нашите партнери веќе добија детални податоци за компаниите и производите. Клучно е да го прекинат заобиколувањето на санкциите за Русија“, порача Зеленски.
Тој претходно истакна дека дроновите што Украина ги користи за напади врз Русија се целосно од домашно производство.
