48-те часа кои за малку ќе беа крајот на Трамп
19 јули 2019
Вести › Набрзинка
Деца на кофеин
6 август 2025
- Бугарија и Унгарија се последните две земји од низата членки на Европската Унија кои забранија продажба на енергетски пијалоци на деца.
- Први почнаа Литванија и Летонија кои вакви забрани имаат уште од 2014 и 2016 година.
- Од лани малолетници не можат да купат енергетски напиток и во Полска и во Романија кадешто, како и во Хрватска, имаше регистрирано смртен случај на 13 годишник кој почина по конзумирање големи количичини енергетски пијалок.
- За ваква забрана се размислува и во Хрватска, Шпанија и Чешка.
Норвешка ги стопира сите инвестиции за Израел
6 август 2025
- Норвешката влада побара од Суверениот фонд да ги преразгледа сите инвестиции во израелски компании, за да спречи каква било поддршка на геноцидот во Газа.
- „Ќе инсистирам фондот да не поседува акции од која било компанија поврзана со војната во Газа или со окупацијата на Западниот брег. Сосема е јасно дека Норвешка не треба да поддржува бизниси со кои потенцијално би се прекршило меѓународното право“, изјави премиерот Јонас Гар Стор.
- Одлуката е реакција на извештајот на весникот Aftenposten дека Суверениот фонд во изминатите две години четирикратно ги зголемил инвестициите во израелската фабрика за авионски мотори „Бет Шемеш“, која ги одржува борбените авиони што ја бомбардираат Газа.
- Директорот на Суверениот фонд, Николај Танген, ги призна инвестициите, спроведени преку посредник, но одговорноста ја префрли врз властите: „Парламентот одлучи дека треба да се инвестира во Израел, па тоа го направивме и ние. Не инвестираме намерно за да извлечеме профит од ситуацијата таму“.
- Суверениот фонд на Норвешка е најголем во светот. Располага со 1.900 милијарди долари и поседува просечно по 1,5% од сите компании што се на берзите.
