Вести › Набрзинка

24 години од масакрот во Вејце

28 април 2025

Осуммина припадници на специјалната единица на МВР, од кои четворица битолчани, на денешен ден пред 24 години, упаднаа во заседа и беа убиени и масакрирани кај селото Вејце во месноста Бреза, во конфликтот во 2001 година.
Убиени беа Роберт Петковски (27), Игор Костески (26), Миле Јаневски (30), Бобан Трајковски (28), Марјан Божиновски (27), Илче Стојановски (24), Бошко Најдовски (25) и Кире Костадиновски (24).
Уште еднаш очајнички и беспомошно се јави гласот на Илче преку радиостаница: „Нема потреба повеќе да ни доаѓате во помош. Сите ќе изгинеме за Македонија..“ (Масакрот кај Вејце)

Види и: Стани Цаци да те плука народ

извор

Шпанија прогласи вонредна состојба

28 април 2025

Министерството за внатрешни работи на Шпанија прогласи вонредна состојба во регионите погодени од општиот прекин на електричната енергија.
Мадрид, Андалузија и Естрамадура побараа од централните власти помош за одржување на јавниот ред и основните функции.

Откажани се авионски летови, во градовите не работат семафорите, луѓето немаат пристап до сигнал од мобилната мрежа и до интернет.
Електродистрибуцијата Ред електрика вечерва објави дека е обновен пристапот до струја во 20% од погодените региони.
Без струја остана и голем дел од соседна Португалија.
Причината за колапсот на мрежата не е познат, но се смета дека имало повеќе дефекти.

извор

Примирје во Украина на Денот на победата над фашизмот

28 април 2025

Рускиот претседател Владимир Путин прогласи тридневно примирје во Украина во периодот од 8 до 11 мај поради „хуманитарни причини“.
Примирјето се поклопува со големата прослава на Денот на победата над фашизмот во Втората светска војна, кој Русија ќе го одбележи со голема парада во Москва.
Русија уште еднаш ја декларира својата спремност за мировни преговори без услови заради елиминирање на причините за украинската криза, соопшти Кремљ.
„Ако украинската страна го наруши примирјето, руските сили ќе возвратат соодветно и ефикасно“, се предупредува.
Во изминатите три години од војната имало повеќе од 20 примирја и прекини на огнот, но некои не се почитувале ни со минути. Прекршено беше и Велигденското од 30 часа.
САД објавија дека оваа недела може да биде критична за очекуваните украинско-руски преговори за крај на војната. Администрацијата на Доналд Трамп веќе предупреди дека ќе го напушти мировниот процес ако не видат напредок од Киев и од Москва.

извор