Вести › Набрзинка

15 НАТО армии заедно се колку 25% од американската

10 јуни 2025

За да го утврди воениот потенцијал на НАТО земјите, Волстрит Журнал го рззгледувал рангирањето на воената сила за 2025 година од „Глобал Фајерпауер“, која годишно ажурира статистики поврзани со одбраната за 145 земји.
Тоа го прават врз основа на нивниот „ПауерИндекс“, збир од над 60 мерки во категории како што се воена моќ, финансии, логистичка способност и географија. Колку е помала вредноста на „ПауерИндекс“, толку е помоќна конвенционалната борбена способност на една нација.
На изворот подолу се наведени статистиките на 15-те НАТО земји од насловот. Меѓу нив, нормално, и Македонија, која е на 122 место од 145 земји.
Ама памтите, ќе сме седеле на иста маса и ќе сме тропнеле на маса ако треба! Ќе тропнеме само ако наредат Американците да тропнеме.

извор

САД ќе дозволат повисоки дози на зрачење од нуклеарните централи

3 јули 2026

Американските регулатори предложија разлабавување на стандардите за безбедност од зрачење на нуклеарните реактори за да се олесни и забрза изградбата на нови атомски централи.
Ќе се укине стандардот за заштита „Најниско разумно остварливо ниво“ ALARA, кој е линеарен и нема дефинирани прагови, врз основа на претпоставката дека „секоја доза на зрачење, без разлика колку е мала, носи ризици од развој на рак“. Придржувањето до стандардите ALARA е енормно скапо, зголемувајќи ја цената на изградбата и работа на реакторите за милијарди долари.
Операторите на нуклеарните централи ќе добијат поголема флексибилност да поставуваат прагови на дозволените дози на зрачење за работниците и околината, врз основа на специфичните околности и новите технологии.
Предложените измени се во согласност со наредбата на Доналд Трамп за четирикратно зголемување на американскиот капацитет за генерирање нуклеарна енергија од околу 100 гигавати во 2024 година на 400 гигавати во 2050 година.

извор

Заради пијани туристи, Сплит забранува ноќно продавање алкохол

3 јули 2026

Повраќање по улици, уринирање на јавни места, спиење по влезови, тепачки и гласно викање до раните утрински часови се неизбежен летен декор на популарните туристички дестинации како што е Сплит.
Градот ќе проба да стави крај на ова со забрана за продажба на алкохолни пијалоци во продавниците од 21 часот до 6 часот наутро.
Во јуни Брзата помош интервенирала во 50-тина случаи на алкохолизирани на јавни места, повеќе од нив млади туристи од странство.
„Ќе се изнакупуваат алкохол пред девет навечер,“ вели жител на градот кој не верува дека мерката ќе даде резултат.

извор