- Во рок од само 10 дена, глобалниот финансиски систем повторно беше потресен. Приближно толку изнесуваше временската рамка помеѓу колапсот на калифорниската Банка на Силициумската долина, 16-та по големина американска банка, и онаа на 167-годишната Кредит Свис.
- „Владите и централните банки ќе ве натераат да верувате дека и во двата случаи, се најдоа решенија без да се користат средства од даночните обврзници. Мали се шансите тоа да е точно“, пишува Изабела Каминска, финансиски уредник во европската редакција на Политико.
- Финансискиот систем никогаш не беше навистина спасен после финансиската криза во 2008 година, туку само ставен на вештачко дишење. Сега и тоа пропаѓа и повторно се повикува на социјализација на загубите.
- Се раѓа финансиски свет каков што сме гледале во комунистичките земји каде државата ги управува банките каде да алоцираат фондови. Во комбинација со дигиталните валути на централните банки, ова ќе ги сведе банките на обични проксија на државата, со несигурни последици за ефикасна распределба на капиталот и инфлацијата.
- Вооружен 63-годишен маж убил 11-годишно дете и маж вчера во Прилеп, а по соочување со полицијата самиот си го одзел животот. Ги застрелал поради имотен спор во нивната куќа во центарот на Прилеп, близу кружниот тек кај Карпалак.
- Тој држел неколку лица како заложници, а кога интервенирала полицијата, кон неа фрлил експлозивна направа и отворил оган, а некаде после полноќ самиот си го одзел животот.
- Според Основното јавно обвинителство, мажот ги убил својот внук од сестра и негвотиот син поради спор со сестрата околу поделба на имотот.
- „Дежурен јавен обвинител од ОЈО Прилеп изврши увид во куќа во центарот на Прилеп каде беа пронајдени безживотните тела на 11-годишно дете и двајца мажи на возраст од 43 и 63 години. Според првичните сознанија, 63-годишникот најпрво го убил својот внук од сестра и неговиот син, поради семејни недоразбирања и нерасчистени имотни прашања. По извршување на делото, мотивите за стореното ги објавил и на социјална мрежа, а потоа се самоубил“, соопшти Обвинителството.
- Европската Унија и Мексико изразија разочарување за тарифите од 30% со кои им се закани Доналд Трамп, предупредија дека ќе возвратат, но изразија и спремност да преговараат со САД до 1 август, кога треба да стапат на сила.
- Шефицата на Европската комисија Урсула фон дер Лејен се закани со „пропорционални контрамерки“, иако Трамп веднаш предупреди дека уште повеќе ќе ги крене царините ако партнерите тргнат во трговска војна. Францускиот претседател Макрон поддржа „кредибилни контрамерки“, но италијанската премиерка Џорџа Мелони верува дека може да се постигне фер договор за да не почне трговска војна преку Атлантикот. И мексиканската претседателка Клаудија Шејнбаум е оптимистка дека ќе биде постигнат трговски договор со САД пред 1 август.
- „Имавме години да дискутираме за трговските односи со Европската Унија и заклучивме дека мораме да завршиме со овие долготрајни, големи и постојани трговски дефицити, засилени од вашите тарифи, нетарифни мерки, политики и трговски бариери. Нашите односи, за жал, беа далеку од реципрочни“, предупреди Трамп во писмото до ЕУ.
- На 2 април Трамп објави царина од 20% за увоз на производи од ЕУ. Кога преговорите со ЕУ заглавија, тој се закани со тарифи од 50%. До крајниот рок на 9 јули не беше постигнат трговски договор. Во 2024 година САД имаа дефицит од 235,6 милијарди долари во трговската размена со ЕУ.
- За домашната јавност Трамп изјави дека „некои земји сега се многу возменирени“, но инсистира дека тарифите ќе долеат стотици милијарди долари во буџетот на САД.
