Вести › Набрзинка

Кимел се врати со извинување

24 септември 2025

Шоуто на Џими Кимел се врати во етерот една недела по суспензијата поради коментари на водителот во врска со смртта на Чарли Кирк.
Кимел низ солзи се извини за спорните коментари, за кои оцени дека бил лошо срочени и кажани во лошо време. „Никогаш немав намера да поминам лесно преку смртта на Кирк. Немаше ништо смешно во тоа. Ниту пак имав намера да обвинам која било специфична група“, порача Кимел во воведниот монолог.

Тој ѝ изрази почит на вдовицата Ерика Кирк поради тоа што јавно му дала прошка на убиецот на нејзиниот сопруг. Им се заблагодари на оние лично му изразија поддршка и протестираа против суспензијата на неговото шоу.
Емисијата на телевизијата ABC, сепак, не се врати за сите гледачи. Речиси 70 станици во сопственост на бродкастерите Синклер и Некстар одбиле да продолжат да го емитуваат шоуто.
На враќањето на Кимел во етерот жестоко реагираше претседателот Доналд Трамп, кој најави акција против телевизискиот канал. „Не можам да верувам дека ABC лажните вести го вратија Џими Кимел на работа“.

извор

САД ќе дозволат повисоки дози на зрачење од нуклеарните централи

3 јули 2026

Американските регулатори предложија разлабавување на стандардите за безбедност од зрачење на нуклеарните реактори за да се олесни и забрза изградбата на нови атомски централи.
Ќе се укине стандардот за заштита „Најниско разумно остварливо ниво“ ALARA, кој е линеарен и нема дефинирани прагови, врз основа на претпоставката дека „секоја доза на зрачење, без разлика колку е мала, носи ризици од развој на рак“. Придржувањето до стандардите ALARA е енормно скапо, зголемувајќи ја цената на изградбата и работа на реакторите за милијарди долари.
Операторите на нуклеарните централи ќе добијат поголема флексибилност да поставуваат прагови на дозволените дози на зрачење за работниците и околината, врз основа на специфичните околности и новите технологии.
Предложените измени се во согласност со наредбата на Доналд Трамп за четирикратно зголемување на американскиот капацитет за генерирање нуклеарна енергија од околу 100 гигавати во 2024 година на 400 гигавати во 2050 година.

извор

Заради пијани туристи, Сплит забранува ноќно продавање алкохол

3 јули 2026

Повраќање по улици, уринирање на јавни места, спиење по влезови, тепачки и гласно викање до раните утрински часови се неизбежен летен декор на популарните туристички дестинации како што е Сплит.
Градот ќе проба да стави крај на ова со забрана за продажба на алкохолни пијалоци во продавниците од 21 часот до 6 часот наутро.
Во јуни Брзата помош интервенирала во 50-тина случаи на алкохолизирани на јавни места, повеќе од нив млади туристи од странство.
„Ќе се изнакупуваат алкохол пред девет навечер,“ вели жител на градот кој не верува дека мерката ќе даде резултат.

извор