Ракометарите на Веспрем ја одбранија титулата во СЕХА лигата, откако вечерва беа подобри од Вардар во првата од трите предвидени борби меѓу овие два големи ривали кои ќе се судрат и во четвртфиналето од ЛШ.

Фајнл фор турнирот во СЕХА лигата на кој викендов Вардар игра во Вараждин, не врати на едни многу слатки ракометни спомени. Седум години претходно: Втората ракометна сила во светот на колена, Кире 92 гола, Мојсо пее на бина со Наум, Борко стрела од гол на гол.

Вараждин овој викенд е домаќин на фајнлфорот во СЕХА лигата која се игра петта година по ред. Загреб и Веспрем имаат по една титула, а македонскиот првак атакува на трета. Манасков и Стоилов се обратија за овој настан преку јутјуб каналот на СЕХА лигата.

Во сите три стандардни категории во неделниот избор на ЕХФ има по еден ракометар на Вардар кој три сезони по ред е меѓу најдобрите 8 во Лигата на Шампионите. Арпад Штербик на една минута до крајот ја направи клучната одбрана за победа која е прогласена за најдобра, Алем Тоскиќ со 8 од 8 е избран во тимот на колото, а меѓу петте најубави гола влезе и оној на Шишкарев.

Петар Ангелов - Диви, еден од најдобрите голмани во историјата на македонскиот ракомет преку својот Фејсбук профил објави дека ја завршува репрезентативната кариера.

Безидејноста на Вардаровите играчи синоќа ги присилуваше кога е најтешко топката да му ја дадат на ветеранот Тоскиќ, кој буквално сам се бореше со цела противничка одбрана и во таква ситуација даде 8 голови. Србинот од следната сезона ќе настапува за словенечкиот тим Горење.

Два црвени картони, врвен ракомет, многу промени во резултатот, ерупција во Јане Сандански и Вардар во четвртфиналето од Лигата на шампионите е епилогот на вечерашниот реванш против Висла Плок.

Вардар во сабота од 18:00 часот го игра реваншот против полската Висла Плоцк, екипа која се извлече на првиот дуел по водството на Скопјани од четири голови разлика на четири минути пред крајот и ремизираше 30:30.

Во првиот осминафинален меч од Лигата на шампионите, Вардар имаше четири голови предност на три минути пред крајот, но Висла Плок успеа да дојде до реми 30:30, резултат кој му дава големи шанси на Вардар за четвртфинале.

Четири натпревари - четири победи е учинокот на ракометарките на Вардар на последните дуели од групната фаза во ЛШ каде фатија залет за борбите во четвртфиналето.

Во претпоследното коло од главната фаза во ЛШ, а првпат после цели две години Вардарки во Скопје го победија европскиот првак 26-24.

Ракометарите на Вардар потешко од очекувањата ја оправдаа фаворитската улога против шведскиот првак кој ги изнамачи нашите ракометари во 12. коло од Лигата на шампионите.

Иако лесно ќе се разбереа и на шпански, младиот навивач на Барселона направи обид на нашки јазик да му го побара дресот на нашиот капитен, кој одговори без проблем на неговото барање.

Ракометарките на македонскиот шампион вечерва во Романија го совладаа тимот на Букурешт со 30:25 и го обезбедија третото место во главната фаза кое носи извесно полесен противник во четвртфиналето.

Ракометарите на Вардар загубија на гостувањето во Германија против лидерот на Бундеслигата Рајн-Некар со 28:27 и првпат после четири меча против овој противник со спуштени глави го напуштија паркетот.

Во добра форма ракометарките на Вардар после паузата во ЛШ фатија ритам и убедливо со 37:25 го совладаа шведскиот Савехоф.

Како што во фудбалот е омилен волејот, во кошарката забивањето, а во одбојката смечот, ракометарите уживаат во добро изведената шрауба. Особено ако е од ваков тип.

Шпанија влезе како фаворит на финалниот ракометен натпревар во Полска, но на крај Германија ја доби битката и го освои златото. Тактиката во 60-те минути кои целосно им припаднаа на Германците на Твитер ја покажа исландскиот стратег Дагур Сигурдсон кој им донесе второ злато на Европските првенства.

Ракометната репрезентација на Шпанија која е двократен Светски првак ќе почека за титула на Европските првенства. Вечерва беше индиспонирана и целосно надиграна од Германците кои по Словенија 2004-та, ја слават втората Европска круна.

На денешната ждрепка во Краков, македонските ракометари го дознаа противникот со кој ќе се борат за пласман на СП 2017.

Шпанија и Германија се сретнаа во првото коло на ЕП и во борбен и ефикасен натпревар со 12 исклучувања Шпанците триумфираа со три голови разлика. Тоа беше единствениот пораз на Германците на ова првенство, додека Шпанците загубија само од Данска. Денешното финале го играат во 17:30. Црвената фурија има три финалиња, но ниту едно злато, a Панцирите беа Европски прваци во Словенија 2004-та.

Македонската ракометна репрезентација ја пропушти и последната можност за победа на Еврошампионатот во Полска. Скалпот ни го зема и Белорусија која не совлада со гол разлика и не остави на дното со само еден бод. Бледо издание на избраниците на Обрван.

И покрај тоа што немаме ниту една победа на Европското првенство во Полска, шансите за Рио не ни се загубени. Во живот не држи деветтото место од Катар, а за да ни се исплати, има листа од 6 селекции кои посакуваме да го освојат златото на 31 јануари.

Капитенот на Македонија во моментов е прв на листата на стрелци на ЕП Полска 2016 со 32 голови, исто колку што има и Пољакот Јурецки. Вчерашните негови голови со кои ги наполни Норвежаните за жал не беа доволни за прва победа на Македонија.