Уште не спласнати импресиите од интелигентниот потег против Севиља, ете ти нов мангупски потег на Сехио Бускетс со кој исфрли од игра двајца играчи на Интер. Дечково прави до толку интелигентен фудбал, што имаме чувство дека не можел до толку многу да исплива на виделина низ годиниве наназад поради тоа што постоеа двајца негови соиграчи по име Чави и Иниеста.

Фудбалерите на Лидс синоќа славеа 2:0 против Ипсвич и сега се лидери на табела, но со ист број на бодови со Мидлсброу и Шефилд Јунајтед. Македонскиот репрезентативец за влакно не беше меѓу стрелците, а ова ќе беше гол на колото.

Класичното местење на жив ѕид знаете како изгледа. Една рака на лице, другата долу кај што најмногу боли или па двете раце долу. Хрватскиот репрезентативец знае друга фора која се покажа успешна при ударот на Суарез. Не му е воопшто лоша, можеби и гол спаси.

Со головите на Инсиње и Мертенс, Карло Анчелоти имаше 3 бода в рака против својот поранешен клуб на гости, но Ди Марија го спречи изненадувањето со мајсторија. Борусија и Ливерпул ги декласираа Атлетико и Ѕвезда.

Пол Сколс, Рио Фердинанд, Вејн Руни, Алан Смит, Џон О’Ши, а во позадина ѕирка Руд ван Нистелрој. Доволни се имињата на првите тројца како едно потсетување какво екипиште беше ова и каков фудбал играше во споредба со сегашниот тим кој го носи само иметo на Манчестер Јунајтед.

Ливерпул вечерва ја пречекува Црвена Ѕвезда во 3. коло од Лига на шампиони. Јирген Клоп доби прашање на прес за тоа дали се сеќава кога вечерашниот негов противник ја освоил Европа во 1991? Секогаш, ама секогаш е спремен со одговор по кој следува смеење.

Во колумбискиот фудбал неколку денови се зборува за тажната сторија на голманот Луис Делгадо кој останал без сопругата а најголема храброст да продолжи понатаму му дал малиот Матијас.

Манчестер Јунајтед сезонава има само две победи на домашен терен на сите натпреварувања, а сезоната ја стартуваа на 10 август. Добар показател за тоа дека екипата личи на раштиман оркестар е овој нејасен пас на Ромелу Лукаку. Погледна убаво кај се неговите и пак џабе.

Манчестер Јунајтед, освен на теренот има проблеми и надвор од него: никако не може да стигне на време на дуел од Лига на шампиони па сега се соочува со нова казна од УЕФА.

Кога Кристијано Роналдо беше потиштен од тага за црвениот картон во првото коло од ЛШ, многумина сметаа дека се плаши од суспензија која нема да му дозволи да се врати на Олд Трафорд. Местото каде се создаде нераскинлива врска меѓу него и публиката.

Пред 116 години на едно место во Англија за првпат се играла најомилената игра која години подоцна ќе стане најважната споредна работа на светот.

Во првиот дел од миланското дерби фудбалерот од среден ред на Интер и на репрезентацијата на Хрватска, Марсело Брозовиќ здобил повреда на бутниот мускул. На полувреме не сакал да излезе од игра и за да не му се олади мускулот решил да вози на статичен точак. Излегол на терен во второто полувреме и истрчал вкупно 12,5 километри.

Љубовта на Боб Марли кон фудбалот била можеби и поголема од страста за музиката. За 38-годишнината од неговиот настап на стадионот во Даблин, Бохемијан ќе игра во дресови со неговиот лик.

Поразот на Манчестер Јунајтед од Јувентус е 0:1, само поради извонредниот Давид де Хеа. Овде човек не може да не се воодушеви на страшниот удар во трк на Кристијано кој упати проектил во агол, кој изгледаше дека е неодбранлив. Како ли само успеа да го скроти ова шпанскиот голман?

Со голот на Дибала во 17-та минута, Старата Дама го совлада Манчестер Јунајтед кој го доминираше речиси цел натпревар. Без проблем за фаворитите Баерн, Реал, Манчестер Сити и Рома кои ги освоија планираните три бода. Ајакс ја сруши Бенфика во 92-ра минута.

На 20. ноември 1996 Јувентус стана првиот италијански тим во историјата кој славел против Манчестер Јунајтед на „Олд Трафорд“. Со голот на маестралниот Алекс Дел Пјеро од пенал во 36’ минута, „бјанконерите“ победија 0-1.

Еден од подобрите фудбалери на Челси сезонава, и англиски репрезентативец, Рос Баркли вели дека му здосадиле тетоважите, не му биле веќе интересни и дека како созреан човек решил да ги отстрани од себе.

Сме немале во последно време кого да сместиме во нашата омилена рубрика со офсајд ликови. Ама ете се појави најужасниот италијански селектор кој викендов дебитираше на новата тренерска клупа. Полошо не можеше да помине.

На еден од последните тренинзи на Реал Мадрид, Рамос го искалил бесот врз младиот фудбалер Серхио Регулон кој тренира со првиот тим. Нервозата во Реал е очигледна затоа што екипата не знае што е победа веќе со недели а за да дадат гол треба да играат со кадетите на тренинг.

Иако многумина мислеа дека Барса своите натпревари за време на реконструкцијата на целиот стадион „Камп Ноу“ и неговата околина ќе игра на други места, тоа нема да се случи. Јапонец е задолжен за целата мисија на обнова.

Во современата историја на Барселона голманите никогаш не биле клучни луѓе на терен, но Германецот Тер Штеген го смени тоа и стана еден од главните носители на екипата.

Тјери Анри имаше неславно тренерско деби на кое неговиот Монако загуби од Стразбур со 2:1. За 22 годишниот Сенегалец Сејду Су ова требаше да биде само лесна тренинг топка, а не несмасна реакција како прв пат да брани во живот.

Прво треба да имаш слособност ала Дејвид Бекам и второ голманот да ти го потцени ударот, толку. Примерот ни доаѓа од унгарскиот фудбал, поточно од мечот меѓу Ференцварош каде игра Стефан Спировски и Пушкаш Академија. Гостите славеа со помош на овој нетипичен начин на изведување слободен удар од своја половина.

По барање на Михајловиќ, Џанлуиџи Донарума заигра за Милан на 16 години и 242 дена и стана втор најмлад голман во историјата на италијанскиот фудбал. Стигна до четвртата сезона, но му требаат уште многу фурни леб за да го заслужи епитетот “наследник на Буфон“. Милан прима голови како никој.