Поранешниот фудбалер на Барселона и Реал Мадрид, Луис Фиго, бил учесник на еден настан организиран од корпорацијата Mastercard која организирала фудбалски меч во воздух на висина од 6.166 метри надморска висина во практично невозможни услови. За овој експеримент бил монтиран и терен од 75 квадратни метри. Фиго дал гол на овој меч за кој не знаеме што да мислиме.

Англија и Германија одиграа спектакуларно реми од 3:3 и сите голови паднаа во второто полувреме. Хари Мегваер на ниво, како за Манчестер Јунајтед, така и за репрезентација. Погледне го што направи генијалецот од 87 милиони евра.

Бугарската фудбалска репрезентација нè спушти на земја и ја казни мизерната ефикасност на Македонија, која со исклучок на дуелите со аматерите од Гибралтар постигна само 1 гол на четирите средби против Грузија и Бугарија во Лига на нации. Џабе сите скандирања „Бугари татари“ и „Бугари цигани“. Мечот требаше да се добие.

Иконата на македонскиот фудбал и човек кој нè однесе на прво Европско првенство, Горан Пандев (122 настапи за Македонија - 38 гола) на својот Инстаграм профил му испрати порака на селекторот Благоја Милевски. На констатацијата на Милевски дека „сме биле на добар пат“, Пандев стави три емоџи кои означуваат „замолчи“.

Македонската фудбалска репрезентација ја заврши сезоната во Лига на нации со неочекуван пораз од Бугарија од 0:1, селекција која ја доминиравме на првиот дуел во Разград и која ги нема реномето и квалитетот што ги имаше. Бледа игра на момците на Милевски од кои се очекуваше многу повеќе.

И покрај тоа што ги загубивме шансите за првата позиција во група, дуелот меѓу Македонија и Бугарија во последното коло од Лига на нации ги наполни северната и јужната трибина на Градски. Бугарите се соочија со жесток пречек уште при интонирањето на химната.

Светскиот првак во последно време не изгледа на таков. По 6 кола има само една победа во Лига на нации. Синоќа загубија 2:0 од Данска, а Килијан Мбапе „се истакна“ со двата најлоши шутеви во кариерата, како и најлошиот дриблинг.

Искусниот триесет и две годишен полски репрезентативен голман Војчех Шчесни во моментов е со својата селекција каде игра натпревари од Лига Нации и се спрема за Светското првенство. Шчесни по богатата кариера во Арсенал, бранеше за Брентфорд и Рома пред да дојде во Јувентус. Секаде го следеше муабет дека пуши цигари, а сега тоа го потврди и полскиот селектор.

Натпревар без преголем резултатски императив за двете селекции зошто Грузија веќе го освои првото место во оваа група, но секако одлична појдовна точка за борбите кои следат на патот кон Европско првенство 2024.

Репрезентацијата на Фарски Острови ја забележа најголемата победа во својата историја откако во последно коло од 3. издание на Лига Нации ја совлада Турција со 2-1. За Турците ова со сигурност е најголема бламажа откако играат фудбал.

Ги чекаме вечерва на Градски со почеток од 20:45 во натпревар без некоја резултатска важност, туку чисто да им покажеме дека сме појаки. Стефан Ристовски нема да игра поради повреда, ама им заигра на Инстаграм со нивниот најголем и најактуелен хит. Рокајте звучките.

Веќе се познати некои од кандидатите за организација на Мундијал 2030. Европската јавност со две раце би гласала за сојузот Шпанија-Португалија-Мароко, но нешто се прашуваат и Саудиска Арабија-Египет и Грција. Од каде овој чуден спој?

Има работа и за овој ај ти. Може карлинг да коментира, скокови во вода и ритмичка гимнастика, а исто и веслање и едрење. Слушнете го како гали со гласот.

Хаосот пред гол се случува во третата аргентинска лига и во еден момент глупост прави тој со број 2 покрај статива. Ја расчистува опасноста пред гол, ама со шут кон својот гол и гаѓа соиграч во рака. Судијата вели пенал. Ќе се заколеа.

Легендарниот Зизу после еден рид трофеи освоени во кариерата како играч и како тренер, веќе извесен период ужива во слободното време. Сега излезе видео на кое Зидан во една ергела коњи јава еден коњ и наеднаш паѓа но елегенатно како на фудбалски терен, со стил.

Новата скопска фудбалска приказна од Кисела Вода, викендов и официјално почна да се испишува. Дебитираа во четвртата лига со пораз во Долно Лисиче од Победа. Скоро им правевме интервју, ама не се пофалија дека го купиле и Златан Ибрахимовиќ.

Аргентина одигра пријателски натпревар против Хондурас кој го доби со 3:0. Еден гол даде Лаутаро Мартинез, два Меси од кои едниот го можат само мајстори.

Претседателот на Лацио, Клаудио Лотито се проба на подиум, ама подобро нека се врати во фотеља.

Како велат, и фудбалерите се луѓе кои прават заебанции и секој сака да ги види какви се кога уште не се вклучени камерите за интервју или не е почнат натпреварот. Налетавме на снимка од Европското кога се собираат за сликање. Горан најрасположен.

Македонија вечерва на преполната „Тбилиси Арена“ во главниот град на Грузија имаше 19 наспроти 8 шута, поголем посед, 9 корнери наспроти 3 на Грузија, поголема контрола но и два кикса кои скапо ја чинеа нашата селекција. Грузија - Македонија 2:0 (1:0).

Шпанија ја чекаат два клучни натпревари за да го задржи првото место во група во Лига Нации: против Швајцарија и против Португалија. На тренинзите на селекцијата на Луис Енрике доминира капитенот на Барселона, Серхио Бускетц.

Фудбалерот на Реал Мадрид тука треба да е влезен во пубертет, ама уште не му е измутиран гласот. Како издржа репортеркава да не прсне, ние рикаме.

Ремито против Бугарија на гости или дебаклот дома со Грузија, како сакате, Македонија ќе го плати скапо во ова издание на Лига на нации. Потребно е чудо за да остане во игра за ЕП 2024.