Фалконот беше најдобар шпиц на светот во еден момент. Расен стрелец, голгетер од кого се тресеа голманите. Играше за Ривер Плејт, Атлетико Мадрид, Монако, Манчестер Јунајтед, Челси, Галатасарај, Рајо Ваљекано и сега на 39 години е во домашниот Миљонариос. Тој раскажа за прекрасниот гол кој за Монако го даде против Манчестер Сити на гости во Лига на шампиони. Лоб на сезоната беше тогаш.

Забавата на прес прес конференциите од Турција се сели во Португалија. Малку треба да го чепне човек Мурињо за да се отвори.

После неколку слаби натпревари, Севиља реши да го отпушти тренерот Хоакин Капарош кој беше дури седми отпуштен тренер во последните три сезони. Андалузијците никако не можат да го најдат рецептот за успеси кој го имаа во минатото. Сега се надеваат дека 51-годишниот Матијас Алмеида ќе ги крене. Тој со мотивациски говор во соблекувалната ги мотивирал играчите да ја разбијат на крајот Барселона со 4-1!

Тренерот на Реал Мадрид Чаби Алонсо некогаш важеше за еден од најдобрите играчи од среден ред во своето време. Сега на играчите на тренинг им демонстрираше што значи добар прием.

Мајк Мењан vs Федерико Гати. Од сите агли. Страшен рефлекс извади Французинот.

Јувентус и Милан го одиграа најдосадниот резултат во фудбалот, а тој е без голови. Пулишиќ промаши пенал, ама затоа Лука Модриќ нема шанси да промаши свој човек.

Њукасл го совлада Нотингем Форест со 2:0. Вториот гол го даде Ник Волтемоде од пенал. Проба голманот да го деконцентрира, ама само го мотивираше дополнително.

Од љубов до омраза толку малку треба, пееше легендарниот Џеј. Низ такво нешто проаѓаат навивачите на Порто со Мурињо. На 13-ти септември пред неполн месец дена, Жозе Мурињо нивниот легендарен тренер кој им донесе Куп на УЕФА и пехар во Лига на шампиони, им беше гостин на „Драгао“. На големи видео бимови одеа најинтересните моменти од неговата тренерска кариера во Порто.

Интер Мајами синоќа со 4-1 го совладал тимот на Њу Ингланд. Два гола дал Тадео Аљенде, два дал некогашниот лев бек на Барселона Жорди Алба а дури три асистенции имал големиот Лео Меси. Сезонава во МЛС лигата во САД Меси има 24 гола и 14 асистенции на 26 средби.

Пет кандидати, пет одлични голови конкурираа за признанието гол на месец септември. Го добива Бразилецот Габриел Мартинели за маестралниот лоб на големото дерби против Манчестер Сити (1-1).

Со голот на Расмус Хојлунд во 75-та минута Наполи на многу тежок начин ја совлада Џенова со 2-1 и остана лидер на табелата. Откако е дојден во Наполи Данецот постигна 5 гола и уште еднаш докажа дека неговите слаби игри во Манчестер Јунајтед биле рефлексија на лошата атмосфера во англискиот клуб. Во Неапол игра како препорден. А Џенова која прва поведе во 33-та минута со голот на Џеф Ехатор покажа неверојатна воиграна акција. Израмни Ангуиса со гол во 57' минута.

Лил и ПСЖ одиграа 1:1 во 7. коло од францускиот шампионат. Гостите поведоа преку Нуно Мендеш во 66-та минута, кој постигна еврогол. Израмни 18 годишниот Итан Мбапе на 5 минути до крај. Килијан беше во еуфорија за голот брат му кој го спречи фаворитот да си оди дома со 3 бода.

Фудбалерите на актуелниот шпански шампион Барселона претрпеа тежок пораз на гостување во Андалузија. Севиља после ги декласираше со 4-1 (2-1). Победа на домаќинот им ја донесоа Алексис Санчез во 13-та минута, Исак Ромеро во 36-та, Хозе Анхел Кармона во 90-та и Акор Адамс во 90+5' минута од судиското продолжение. Гол за Барса даде Маркус Рашфорд на истекот на првиот дел.

Две недели откако го постигна деби голот за новиот клуб во Лига Купот против Хиберниан, Бојан Миовски за прв пат стрелаше за Ренџерс и во шкотската Премиер лига. Македонскиот напаѓач во 41 минута го отвори резултатот на гостувањето против Фалкирк, но гостите израмнија на 17 минути до крај.

По тешкиот историски пораз од Атлетико Мадрид (5:2) во градското дерби, Реал Мадрид се издигна и најпрво славеше на далечното гостување кај Каират Алмати во Казахстан во Лига на шампиони (0:5), а синоќа и на „Сантијаго Бернабеу“ 3:1 против сериозниот Виљареал.

Ливерпул во една недела загуби од Кристал Палас, Галатасарај и Челси. Твитерот гори.

Арне Слот е во проблеми. Ливерпул губи три меча во една недела од кои два во Премиер и еден во ЛШ. Дербито на колото го реши 18 годишниот Естевaо и тоа со неговиот дебитански гол во дресот на Челси за конечни 2:1. Атрактивен гол даде Моисес Каиседо во 14 минута, а за гостите погоди Гакпо.

Кај освоил 5 трофеи, па уште и се појачал јако. Фукнал 134 милиони фунти за еден негов репрезентативен колега, кој ќе го покажат во кадар.

Германската фудбалска легенда има 5 гола на 5 меча за Ванкувер. Го изненадија со торта со број 300, како подарок за 300 гола во кариерата. Јас 300 гола? И од тренинг да не ми ги рачунате головите?

Хавиер Идалго Гомез или накратко Франсиско Сон е шпански фудбалер од бугарски Лудогорец. Синоќа пред натпреварот Сон кој порано играл за Леванте изјавил: „Спортскиот директор на Бетис во шега побара од мене да си дадам автогол, но му кажав да не се зафркава, иако јас и самиот сум навивач на Бетис, ама сега ги бранам боите на Лудогорец“, рекол Сон. Во 53' минута си дал автогол за конечни 0-2 за Бетис.

Преку 30 години гледаме фудбал, вакво нешто не сме виделе до сега. Рома во 2. коло од Лига Европа против Лил успеа да промаши три пенали, односно еден ист кој судијата два пати го понови поради прерано влегување на играчи во шеснаесетникот. И тоа пазете, два обиди имаше Артем Довбик и еден Матијас Суле. Јунак на мечот е се разбира е голманот Берке Озер, кој им ги фати сите три. Лил победи 0:1.

Црвена Звезда загуби на гости кај Порто со 2-1, со гол во 90-та минута. Историја на овој меч запиша Василије Костов, кој го израмни резултатот во 32 минута и со само 17 години стана најмлад клупски стрелец на меѓународна сцена. Костов е роден во Белград, но има македонско потекло. Дебито за прв тим во српското првенство го имаше во април. Член е на селекцијата на Србија У-19.

Ибра утре прави 44 години. Да го пушти човек во напад, уште ќе им се носи на младиве. „Сила на природата“, напиша на социјалните мрежи.

„На припремите за големите натпреварувања доаѓав „мртов“ ментално и физички. Бев повреден пред СП 2002, ЕП 2004, ЕП 2008. Јас не можев ни да се спремам за тие турнири, а инаку треба човек да се спреми. Не само јас, туку многу играчи. Јас сега и како навивач сум изморен од фудбал. Не го следев Светското клупско првенство. Бев обврзан да го гледам финалето, но на полувреме напуштив. Си ја сакам фамилијата и ми треба пауза. Го сакам фудбалот, но да бидеме искрени, ова е премногу“.