Ретки сцени беа видени викендов во Серија А на мечот Рома - Фрозиноне. По еден ненамерен судир со играч на Рома, главниот судија се пожали на мускул и најверојатно го фатило грч.

Француската трета лига даде нов јунак во фудбалска Европа. На дуелот Аванш - ГОАЛ ФЦ, домашниот голман Ентони Буев при резултат 0-1 за гостите прво фаќа пенал за да во 90+5’ минута и самиот дава гол за конечни 1-1 и огромен бод за неговиот тим.

Во фудбалското првенство на Финска, екипата на ВПС го пречекала Интер Турку. Домаќините долго време не знаеле за пораз и се на трето место во плејоф табелата. Гостите до 80’ минута воделе 0-1 и имале големи шанси конечно да му нанесат пораз на ВПС. Ама тогаш голманот на Интер Турку решава цели 23 секунди да ја држи топката. Судијата според правилата досудува прекршок и голманот прима гол од индиректен удар за конечни 1-1.

Јувентус од тешкото гостување во Бергамо си замина дома со 0:0, резултат за кој најзаслужен е Шчесни. Муриел изведе речиси совршен слободен удар под статива, каде обично голманите не стигаат да ја фатат. Искусниот Пољак успеа да го скроти тој удар и ова е дефинитивно една од најјаките интервенции на сезоната. И коментаторите се воодушевија.

Викендов како ретко кога во исто коло се одиграа четири дерби дуели во аргентинскиот фудбал. Бока во големото Суперкласико изгуби дома 0-2 од Ривер во меч во кој на Бомбонера вриеше. На другите три дерби дуели немаше голови, сите завршија 0:0 ама имало прекрасна атмосфера.

Некогашниот прволигаш Катанија сега игра во Серија Ц. Во пет кола имаат учинок 2-1-2 и се 10. место на табела. Викендов со 0-4 на гости ја совладале Казертана. По два гола дале Козимо Кирико и Самуел Ди Кармине. Првиов имал и сензационален погодок од своја половина.

Во шпанска Сегунда, Реал Ваљадолид го збриша Бурхос до 3-0. Вториот гол беше дело на Мончу во 41’ минута директно од корнер! 

Во големото баскиско дерби меѓу Реал Сосиедад и Атлетик Билбао, кое домаќините го добија убедливо со 3-0, домашните навивачи направија еуфорична атмосфера. Во 8 кола од новата сезона Сосиедад има 4 победи, 3 нерешени и 1 пораз и е на петто место во Ла Лига.

Александар Трајковски ќе има убави спомени од првото хрватско дерби како играч на Хајдук. Влезе како џокер и асистираше за победа на големиот ривал Динамо Загреб.

Реал Мадрид без проблем ја симна Жирона од врвот на табелата, со гостински триумф од 0:3. Ама Антонио Рудигер има некој проблем. Мавташе со рацете ко луд.

Легендарниот англиски рок бонд одбележува 50 години од излегувањето на албумот „Dark Side of the Moon". Навивачите на Салернитана на мечот против Интер, тоа го одбележаа на феноменален начин.

Навивачите на Мадервил и Селтик приредија сцени кои ретко се гледаа. Домаќините до толку прснаа од радост за израмнувањето против 53 кратниот првак на Шкотска во 95-та, што се симнаа на терен, мислиш титула слават. Ама тоа не беше крај на мечот. Селтик победи 1:2 со гол во 97-ма.

Реал Сосиедад има убаво водство од 3:0 над Атлетик Билбао, доволна причина за домашните навивачи да се опуштат и да ја подигнат атмосферата на стадион. Меѓу нив се најде падобранец, кој на многу стадиони низ светот не би го ни пуштиле вака во туѓо друштво.

Навивачите на Беласица од каде произлезе најголемиот фудбалски бисер со светска слава, Горан Пандев, со една парола ги затнаа устите на сите власти и моќници кои дозволија кладилниците да го окупираат градот и да го надвладеат интересот за спорт кај младите.

Дербито во Премиерлига меѓу Тотенхем и Ливерпул ја разгори жестоката дебата за лошото судење во англискиот фудбал. Спарс победи 2-1 со автогол на стоперот на Ливерпул Жоел Матип во длабоко судиско продолжение во 90+6' минута но претходно имаше чудни судиски одлуки.

Потресни епизоди имаше на натпреварот РКЦ Валвејк - Ајакс во холандската Ередивизија. Во 85' минута од мечот во самиот финиш при водство на гостите 2-3, голманот на домаќините Етиен Васен изгубил свест по силен судир со напаѓачот на Ајакс Брајан Броби.

Уф на каков клип налетавме. 1 минутен фудбалски празник со неповторливиот Зинедин Зидан. Франција vs Бразил, конечни 1:0 во четвртфинале на СП 2006. Никој друг во свет нема вака играно против Бразилците. Не е нормален.

На дуелот меѓу АЕК Атина и Атромитос во грчката Супер лига досудени биле дури три пенали. Домаќинот повел во 31’ минута преку Нордин Амбрабат. Гостите израмниле во 89’ минута со гол на Карол Ангриелски. Последниот пенал на мечот го изведе Мијат Гачиновиќ кој направи чудесна паненка во последни секунди од натпреварот. Храбро.

Најновата прес конференција, Вардарци ја почнаа во 5 до 12, како симболика на времето во кое веќе подолго време се наоѓа клубот. Во преговори се со инвеститор од странство. Главните институции и натаму глуви.

Реал Мадрид и Далас Маверикс закажаа пријателска за на 10 октомври. Кралевите изгледа ќе имаат фудбалско засилување кое барем на видеово се покажа добро.

Симболот на Рома завчера наполни 47, а вчера го покажаа на трибините во Џенова, како го гледа дебаклот на неговиот тим од 4:1. Админот на Рома објави перфектно добра монтажа со 14 асистенции и 14 голови на Тоти, односно топки кои би оделе од Тоти за Тоти.

На рибеира, односно на култното пристаниште во славниот град Порто, истоимениот фудбалски клуб прослави јубилеен 130-ти роденден. Илјадници навивачи излегле да му честитаат на славеникот.

Ријад Марез по бројните трофеи кои ги освои со Лестер Сити (шампионска титула 2015/2016), со Ман. Сити (Лига на шампиони 2022/2023, 4 шампионски титули во Премиер, 2 ФА Купа, 3 Лига Купа и 1 Комјунити Шилд, на 32 години реши да замине во Саудиска Арабија. За астрономски богат договор потпиша со Ал Ахли. И таму како во Европа ја демонстрира својата чудесна техника.

„Бикот од Мајорка“ е голем навивач на Реал Мадрид и не пропушта прилика да го гледа „кралскиот клуб“. И самиот Рафа неколку пати играл фудбал на ревијални средби и може да се каже дека левицата со нога му е прецизна и силна и како со рака.