Во Данска ќе се води голема битка за шампионска титула. После 22 одиграни кола Митдјиланд е прв со 48 бода, Брондби втор со 47 а Копенхаген трет со 45. Брондби во неделата со 4-1 го совлада Силкеборг а дури три гола постигнал младиот 23-годишен Јапонец Јуито Сузики.

Нема фудбал денес, на Резултати прво што дава е алжирска прва лига, а на Лајвскор четврта лига Англија. Ама затоа има жени што сакаат фудбал. Едната ja знаете како Дилета Леота, лицето на ДАЗН и Серија А, како и сопруга на среќникот Лорис Кариус. Втората не знаеме дали е слободна. Се вика Елеонора Инкардона, инаку голферка која исто така знае да се појави како водителка на ДАЗН. Врснички се, генерација 1991-ва. Господ само здравје да им дава.

Најдобриот светски тенисер го искористи престојот во САД да изгледа неколку врвни НБА натпревари меѓу кои и дерби дуелите Голден Стејт Вориорс - ЛА Лејкерс. Додека бил во „Крипто Арена“ (некогашен Стејплс Центар) го имитирал Леброн во шутот за три поени а Џејмс му одговори: „Хахахаха, нималку лошо пријателе мој! Право во центар“

Македонската фудбалска репрезентација термините за пријателски ќе ги искористи за тест средби против Молдавија (22.03) и Црна Гора (25.03), кои ќе се одиграат во Анталија. Нашиот центарфор, Бојан Миовски кој ја игра најдобрата сезона во кариера со вкупно 22 гола за Абердин, ги истакнува важноста на овие собири и се надева дека ќе му тргне голгетерски и во националниот тим.

Ентони Едвардс одигра фантастична партија против Јута со 32 поени, 7 скока, 8 асистенции, 2 блокади и една украдена топка. Но она што ќе го памети цел живот е забивањето на кариерата кое ќе му го пуштат веднаш после натпревар. Реакцијата на Андерсон е прајслес.

Витештвото и честа меѓу навивачите е тема за која ретко се зборува. Така во англиската Премиер лига има еден сјаен пример кој треба да го следат многу други навивачи ширум светот.

Сигурно дека Трабзонспор го чека драстична казна за она што го направија неговите навивачи кога влетаа на терен после мечот и ги нападнаа фудбалерите на Фенербахче. Ама па сега и од Трабзон извадија видеа на кои се гледа дека и гостинските фудбалери и управа не биле баш цвеќиња за мирисање.

Минесота Тимбервулфс ја доби Јута Џез со 114:104, а НБА го доби можеби најјакото забивање на сезоната или барем едно од најјаките. Ремек делото го режираше големата ѕвезда Ентони Едвардс кој ја заби брутално преку Џош Колинс. Страшен потег во стилот на Винс Картер.

Барем така викаат сите педантни статистички параметри според кои најпосетени стадиони во Европа има во Германија. Па замислете вие кога во втора лига фудбал дошле да гледаат 69.156 гледачи.

Роналдо Луис Назарио да Лима и Дејвид Бекам на НБА натпревар решија да делат едни пуканки. Или не?

Во дербито на колото во Серија А, Интер и Наполи ги поделија бодовите. Нераѕурите поведоа први преку Матео Дармијан во 43’ минута а Наполитанците израмнија во 81-ва минута преку Хуан Жезус. Маркус Турам кој игра одлична сезона со 10 гола и 10 асистенции на 27 меча во сите натпреварувања, без никаква потреба проба да глуми прекршок за пенал.

Јако тифо со моќна увертира пред мечот имаа викендов навивачите на Вардар на дербито против Шкендија (1:1), кое дефинитивно заслужува да се игра на Градски, а не во Маџари. На микрофонот е Бојана Скендеровски, придружувана од екстра мотивираниот хор на Комити за кои секој стих од славната „Заветна“ на Пепи Бафтировски е посебна емоција, бидејќи ја опишува пред сè историско националната, а потоа и клупска голгота и борба која ја водат. Слушнете со колкав жар ја пејат.

Челси го елиминираше Лестер и ќе игра полуфинале во ФА Купот против Манчестеер Сити. Рахим Стерлинг не беше меѓу стрелците, бидејќи нишанот му беше тотално изместен. Прво промаши пенал, а потоа изведе слободен удар за потсмев. Во Ла Манш ја најдоа топката.

Во дербито на 25. коло од шпанската АЦБ лига, Реал Мадрид на гости ја совлада Уникаја 81-87. Најефикасни беа Џанан Муса со 19 поени, четири скока и три асистенции, Факундо Кампацо со 11 поени и седум асистенции како и Еди Тварес со 11 поени и шест асистенции. Во еден момент жестоко се скарале незгодниот Жерсон Јабуселе и Кампацо а Љуљ приметил дека „некој меѓу нив не е нивен“.

После натпреварот Орландо - Торонто кој Меџик го добија 111:96, Ентони Блек од Орландо и Градеј Дик од Торонто, сигурно на нечија идеја си ги размениле дресовите и се сликале после мечот. Алузијата не е случајна.

Далас Маверикс го победи Денвер Нагетс 107:105 со кош во последна секунда на Кајри Ирвинг кој фрли полухорог преку Никола Јокиќ и погоди. Нагетс се жалат дека Ирвинг ја газел аут-линијата пред да тргне во шут, а со кош во последна секунда славеше и Мајами Хит против Детроит Пистонс.

Во 30. коло од италијанска Серија Б, Комо со 3-1 ја совлада Пиза. Домаќините после 10 минути игра веќе воделе со 2-0 и тоа најмногу благодарение на гостинската одбрана која сакала да ја копира тактиката на Пеп Гвардиола

24 гола на 24 лигашки натпревари, 38 гола на 37 меча во сите натпреварувања сезонава, 250 гола на 297 натпревари откако е дојден во Париз. Монпеље - ПСЖ конечни 2:6, со хет-трик на веројатно најјакиот напаѓач во моментов. Барем еден мора да има од тоа неговите специјалитети.

Ниту прв, ниту последен пат ќе гледаме тепачки во турскиот фудбал. Така е таму, им врие крвта. Но она што зачудува е храброста и дрскоста на играчите на Фенербахче, кои не е дека само се бранат или бегаат, туку влегуваат во туч и напаѓаат со клоци и боксови. Најмногу зачудува дивјачкиот потег на 22 годишниот Холанѓанец Џејден Устерволд кого го фатиле со телефон како рога и тоа веќе соборен навивач. Пази со нога во глава го удира. Некако многу хард кор бе ова а?

Тензијата меѓу навивачите на Трабзонспор и Фенербахче кулминираше пред неколку години кога беше пукано од огнено оружје врз клупскиот автобус на Фенер кој патуваше на гостински меч во Трабзон. Страстите никогаш не се смириле. Синоќа Енис Барди даде гол но неговиот Трабзонспор изгуби 2:3 со гол во 87-ма минута после што почнаа големи нереди на теренот.

Манчестер Јунајтед го елиминираше Ливерпул во четвртфиналето од ФА Купот со 4:3 во продолженијата, после 2:2 во регуларниот дел. Новинар го чепна Клоп, околу тоа зошто имале потешкотии да одиграат до крај 120 минути, по што на германскиот страгет не му беше баш по ќеиф.

Енис Барди постигна прекрасен гол во дербито Трабзонспор - Фенербахче но му падна во втор план поради големите нереди кои ги предизвикаа домашните навивачи поради поразот 2:3.

Со Енис Барди тешко се излегува на крај ако ја зафати убаво од слободен удар. На дуелот против гигантот Фенербахче кој Трабзсонспор го загуби со 2:3, капитенот на Македонија влезе во игра на стартот на второ полувреме и во 62-ра минута го нокаутираше голманот. Ова му е петти гол сезонава.