Домашната и меѓународна фудбалска сцена, од 2025-та ќе биде драстично ослабена во секторот делење правда. Но само на терен, бидејќи тој викна ВАР. Останува во судиската фела со друга значајна улога. По последниот судиски танц на Драгао во Порто, македонскиот Пјерлуиџи Колина зборува за Офф.нет. Направи кариера за книга. Честитки и од нас, после оние од Андре Вилаш Боаш.

Младиот Володар Мурзин е нов светски шампион во брзопотезен шах или во рапид категорија, откако во Њујорк ја победи силната конкуренција која беше без главниот фаворит Магнус Карлсен, долгогодишниот апсолутен првак кој беше суспендиран.

Мајами Хит го совлада Хјустон на гости 104-101. Најефикасен кај победникот беше Тајлер Хиро со 27 поени, 6 скока и 9 асистенции. Но токму Хиро беше дел од една немила сцена која донесе дури шест исклучувања.

На детево не му треба пакетче за Нова година. Го доби од Аморим, а тоа е прошетка во тренинг центарот на Манчестер Јунајтед. Малиот го пречека португалскиот стратег со подарок и потоа веројатно очекуваше само фотографија со него. Ама овој со еден потег му ја направи годината.

Милан и Рома немаа причина да бидат задоволни од нерешениот резултат, со оглед на тоа што првите се осми, а вториве десетти на табела. Сатисфакција за гостите им преостанува она што го проиграа кога ги поставија конечните 1:1. Дибала е познат по ваквите неодбранливи егзекуции, ама асистенцијата на Довбик е нешто посебно.

Со головите на Савињо во 21-ва минута и Халанд во 74-та Манчестер Сити конечно победи во Премиер лига, овојпат 0-2 против Лестер на гости. Сити беше долг период во тешка резултатска криза со преку 10 неповолни резултати во сите натпреварувања. Сега се 5-ти на табела и веројатно целта ќе им биде пласман во Лига на шампиони следната сезона. Пеп доби силен ветар во грб од навивачите на Сити.

Јувентус и Фиорентина одиграа 2-2 во дербито на колото во  18. коло на Серија А. Ова е дури 11-то реми за бјанконерите сезонава. Голманот на Фиорентина Давид Де Хеа кој од коло во коло покажува дека е меѓу најдобрите голмани во Серија А, синоќа направи чудесна одбрана по шутот на Душан Влаховиќ кој остана во неверување.

Милан и Рома одиграа 1:1, натпревар по кој веднаш е отпуштен Пауло Фонсека, кој очигледно не ги оправдал очекувањата. Португалскиот стратег им потврди на новинарите дека заминува. „Да, зборував со раководството, не сум повеќе дел од Милан. Тоа е, свесен сум и смирен дека направив сè што можев“. Милан е осми на табела со 27 бода и натпревар помалку.

Легендарниот Драгослав Шекуларац, роден во Штип 1937-ма, има играно во Србија, Германија, САД, Колумбија, Франција и Канада. Барем така стои на Википедија. Не е лошо да се истражи и ова:

Парма ја совлада Монца со 2:1 со гол во 98 минута. На 15 минути до крајот на мечот настана конфузија пред голот на гостите. Судијата досуди пенал, а кога Адријан Бенедичак тргна да го изведува, судијата се пишмани и отиде да гледа забавена снимка. Свирежот уствари не беше знак за изведување на ударот, туку за ВАР. Циркузи.

„Добро што доаѓа лето бидејќи ќе ни треба цело тоа време за да сфатиме како му успеа ова“, рече коментаторот за чудото од вртелешка на Тимур Дибиров, која важи за негова специјалност. Се работи за Фајнлфорот во 2019-та, кога Вардарци ја покорија Европа по втор пат.

Бобан Николов пред 3 и кусур години во подкастот на Лазаров откри јака случка од атобусот со кој се враќале во хотел по последниот меч на Пандев против Холандија на ЕП 2020. Ја потврди и самиот Пандев. Жозе му се јавил, плачел, па му спуштил. Каков респект кон нашата легенда.

Горан Пандев и Ацо Стојков во 2001-ва година станаа дел од Интер Примавера, откако беа забележани од скаути за време на турнирот во Вијареџо, каде ги однесе бате Ване со тимот на Беласица. Следната сезона 2002/2003 заминаа на калење во третолигашот Специја. Гоче има пикантерии за раскажување од тоа време, кога имале 19 години и немало како да одат на тренинг.

Најдобриот светски шахист и актуелен првак во рапид и блиц шах Магнус Карлсен (34) се повлекол од Светското првенство поради тоа што организаторите го казниле затоа што се појавил во фармерки и така ги одиграл седмата и осмата рунда. Од Светската шаховска федерација ФИДЕ го предупредиле па го казниле со 200 долари за кршење на кодексот на облекување. Карлсен им одговара: „Можат да ги спроведуваат своите правила, во ред е, а мојот одговор е добро, се повлекувам. Е**ете се!“

Кошаркарите на Далас Маверикс и без нивниот лидер Лука Дончиќ го совладаа Феникс Санс на гости во Аризона 89:98.

Налетавме на 10 славни фудбалски имиња, кои треба да ги знаете и од сон ако ве станат. Тука се многу помлади и во бои кои можеби ќе ве збунат.

Оклахома Сити Тандер ја продолжи својата победничка форма и откако со 120:114 ја совлада Индијана Пејсерс стигна до 24-та победа во сезоната. Шеј-Гилџес Александер беше лудо настроен па постигна дури 45 поени со 8 асистенции и 7 скока. Интересен момент имаше во 3-та четвртина кога Еј-Џеј Мичел од Оклахома препозна една судиска грешка да не ги сменат страните за напад на екипите па тргна во спротивна насока.

Претседателот на Србија, Александар Вучиќ почна да брои звучни имиња на спортисти кои не се од негова или поточно ги поддржуваат масовните студентски протести во Белград. Меѓу нив, Ивана Шпановиќ, Новак Ѓоковиќ, Жељко Обрадовиќ, Богдан Богдановиќ...

Манчестер Јунајтед го забележа и третиот пораз по ред, на втор натпревар по ред не даде ни гол а еден погодок во поразот 2:0 од Вулверхемптон примија од корнер. Пред една недела Турчинот Алтај Бајиндир прими гол директно од корнер на мечот со Тотенхем (4:3) во Карабао Купот.

Вотфорд со 2-1 го победи Портсмут со гол постигнат во 90+5' минута од судиско продолжение. Еден Африканец роден во Германија, Квадво Баа од Вотфорд го играше танцот познат како L танц од познатата видео игра Фортнајт. И тоа на крај пред гостинските навивачи кои зовреа од нервоза па фудбалерите на Портсмут му се сипаа на Баа кој доби и црвен картон.

Челси кој неочекувано е втор на табела во Премиер лига со 35 бода, 7 помалку од лидерот Ливерпул кој има и натпревар помалку, синоќа го претрпе првиот пораз на домашен терен од градскиот ривал Фулам после цели 45 години! Челси водеше од 16' минута со голот на Кол Палмер, но Фулам во 82-ра израмни преку Хари Вилсон а во 90+5' направи огромен пресврт и историја преку Родриго Муниз.

Малиот ќе биде мангуп број 1, ако за 10 години се случи малку веројатниот, но сепак возможен трансфер.

Што талентирани деца излегоа од 2000-та па наваму, да не може да ги пофати човек. Внимавајте добро на Лука Вушковиќ, генерација 2007-ма, излезен од школата на Хајдук и член на Хрватска У-21. Позајмен е во Вестерло, а синоќа на Клуб Бриж му даде лудорија од гол. И тоа централен бек е.

Од 30 октомври до денес, Манчестер Сити е во ужасно лоша серија од 9 порази, 3 нерешени и само една победа. На седмо место клизнаа и имаат заостанување од 14 бода зад лидерот Ливерпул. За Боксинг деј одиграа 1:1 против Евертон, а Халанд не реализираше пенал. Погледнете на што личеше Гвардиола на пресот после мечот и колку Фил Фоден беше очаен во обид да спречи контра.