Коби Брајант не би можел толку да испопромашува топки колку што генијалецов би можел пак да ги спопика. Нормално, реалноста би била сосема поинаква: од Коби немаше до топка да дојде.

Музиката не мора да престане кога сте пијани. Музиката не мора да престане ни кога такви пијани ќе се соберат во полициско возило (освен ако цајканот не ви нарачa нешто од Џенан Лончаревиќ). Боем фром Кенеда.

Предизборната кампања официјално уште не почнала за Обама, ама човекот сериозно се загрева. Покрај бацувањето и гушкањето бебиња, Обама почна и со пеење. До сега има испеано по една песна од Лејди Гага и LMFAO, и еден дует со Мит Ромни.

Ај да ја разгледаме целата ситуација. Сопруг си и на финската претседателка. Ти имаш 63 години, таа има 68 години. По службена должност, сопругата те носи на некаков прием и таму те седнува до принцеза. И тоа принцеза со деколте. Како маж треба да знаеш дека единствено ти си виновен што изгледаш бескрајно глупо кога те фатија :)

Имаме моторџија и жена возач. Во нејзина одбрана, од видеото личи како он прв да почна. Во негова одбрана, од видеото личи како она баш нешто и да не е добра. Цело видео ќе го гледате подзинати.

Oтприлика кога имал 32, Леонардо се пријавил за работа на дворот на Лудовико Сфорца,тогашен неформален владетел на Милано. Сакајќи да му гo задоволи вкусот, на идниот работодавач му испраќа писмо CV во кое ги форсира своите инжинерски знаења, а за уметноста, онака, некаде при крај, ако има време.

А сега, молиме за внимание и висока концентрираност! Пред вас е исклучително парче магија кое не се гледа секој ден. Не Коперфилд и други тракатанци туку вистински доказ дека животот е илузија. Стивнете ја околината, отворете си ги чакрите и пробајте да откриете како е можно ова! Ние од сабајле сме на рипит, мозоците ни се чорба.

За оние што ги сакаат Next Time, ова е бласфемија. За другите - никогаш не биле подобри. Во секој случај, звучат како Лед Цепелин на најлути дроги. Тотално неслушливо, иако, копка идејата како ќе пројдеа со ваква песна на Евровизија. Стварно, како е правено ова?

Група деца кои не ги примиле во училишниот хор, биле доволно трпеливи и сега - неколку децении подоцна - безмилосно се одмаздуваат. Најлошиот хор, евер. Па уште со амбициозни песни, сосе Can't Тouch This. Да сум на граница меѓу животот и смртта, и да ми ги пуштат нив, отидов карши.

Семафорите се урбани симболи прилично инертни на дизајнерски промени. Она со бројките не е лошо, ама ова е уште подобро. Нормално, додека нема гола женска на нив, пак ќе има абдали кои забораваат на тргнат на време.

Не во Маседонија туку во Стокхолм. Презентацијата не со брошури туку со ајпади. Магија.

После онакви балкански војни кои ги преживеавме, картографијата не ни е баш омилената дисциплина. Сепак, ова може да е прилично интересно. Стари карти, од пусто античко, пусто турско па до пусто југословенско.

Маче. Мило мало маче. Сака да биде мајка. Оо♥оо♥оо♥оо....

Блазе тие што нема да ја сфатат фората, уште ќе имаат убави сеќавања за детството.

Постојат 2.598.960 можни комбинации во покер со 5 карти.

Во 1970-та маратонот во Њујорк имал 127 учесници. Во 1998-ма, имал 32.000.

Добро, така се почнува. Но, што после? Како на твојата осигурителна компанија да и објасниш што му се случило на твојот автомобил?

Овие се времиња на брза храна и споро варење,

големи луѓе и слаби карактери, длабок профит и плитки односи.

* Кога настанува проблем, секогaш се појавува човек кој го гледа решението и е подготвен да ја презеде командата. Најчесто, тој човек е луд. * Постои време кога треба да престанеш да се надеваш дека луѓето се возбудуваат околу твојот роденден. Тоа време е кога имаш 11 години. * Главното постигнување на речиси сите организирани протести е нервирањето на луѓето кои не се дел од нив. * Човек кој е фин со тебе ама е груб со келнерот, не е фин човек.

Кога на еден стар Индијанец му ја објасниле шемата со зимско/летно сметање на времето, рекол: "Само Влада може да верува дека ако исече едно парче од горниот дел на ќебето и го сошие на долниот дел на ќебето - ќе добие подолго ќебе". Во продолжение, пар досетки од Твитер.

Сит човек на гладен не верува. А гладен на табели уште помалку. Сепак, еве една научна табела на видови храна, подредени по тоа колку ви даваат чувство на ситост (по изедени 240 калории од секоја). Дилемата е: колачи или банана? Нашиот одговор е: да, може.