Најк го пушти 2-от дел од видеото "Write the future." Точно е дека рекламите немаат втор дел, ама како и кецот, и ова е филм. Многу повеќе луѓе, многу повеќе фудбал, малку ЛеБрон Џејмс и Роналдо во куса маичка.

Одиме во магичниот свет на руските свадбени фотографии. Главното што треба тука да го знаете е дека монтажите не се правени од сеир причини, туку по нарачка на младенците.

Британците не ја изгубиле изгубила смислата за хумор. Сцена од нивниот Парламент, кога пратеник по грешка му седнува во скут на колега. И почнува лавина од сеири. Кај нас седнувањето во скут е стандардна партиска дисциплина.

Ако вака звучи вашиот папагал кој го чувате во спална соба, тоа е симптом дека ќе имате долг и среќен брак. Нормално, доколку си го познаете гласот.

Баталете пилатес, кросфит и други безвезарии. Оваа вештина постои од 1974-та година, нејзин родоначелник е Тони Меккабе а сè што ви е потребно од опрема е во близина да имате или некоја кокошка или некој маж.

Ви се тепа време? Копирајте го текстот кој го имате на "повеќе", пренесете го во Google translate, од полето "from" одберете германски јазик и кликнете на аудио да слушнете како звучи.

Уметноста денес знае да биде прибежиште за разнo-разна неталентентирана фукара. Пред нас е една вонаби Марина Абрамовиќ од Lilith Performance Studio чиј "перформанс" се состои од тоа што гази со своите дебелки ноџиња по табла путер и после се лизга како прасенце. Инаку, смртно досадно. Уметност, јеби га.

Во Русија дури и кучињата ја пеат националната химна. Хроничните љубители на етатизмот, после ова видео ќе треснат со маусот на маса и ќе викнат: Е, ова е држава!

Како тоа двајца другари не се разбираат кога навечер ќе дојде време за излегување?

Ова малку страшно ама можеби има вистина, луѓето го покажуваат своето одвратно лице само кога не ги гледаш. Чек, ви се гледаат ли и вам накази или нас дилерот нè почастил?

Каква врска има паркур со вотката? Ама баш никаква. И тоа е поентата. Максимално добро искористена неспоивост.

Баш на меил имаме еден трол кој за себе вели дека е Бугараш па со недели не тапани дека сме биле Србомани. Па да го рчкаме малку. Џони Деп зборува српски. Јеааах, тако је бре! (друже, ние сме ти обикновени педерасти)

На сите што летово ќе се бањате во убавото Егејско море (вклучувајќи и членови на нашата редакција) ви посакуваме додека сте во вода ниту еден момент да не заборавите на оваа сцена и на ова меко другарче кое може секој час да ве голицне за нога.

Ете и тоа научивме: како е можно да има онолкава крушка во шише крушковача со тесно грло. А се чудевме со векови! Кога ќе видиш како пораснала некоја багра, ти е криво што не може и со луѓе вака.

11 минутен time lapse во кој е собрана 1.000 годишна историја на Европа (од 1000. до 2005.) и менувањето на политичката мапа. И секоја националистичка будала од стариот континент ќе си најде своја омилена секунда од клипот за која ќе смета дека е историски најфер. И оди после разбери се со сите. Ние? Ние најпаметни, си почекавме 10-тина минути да се појавиме.

Некаква момачка забава, тој треба да рипне со банџи од огромна висина. Го носат до "бездната" сo врзани очи. Можете ли да замислите колку бил збунка кога шлапнува?

(oдличниот текст е обид на еден дечко да и ја објасни врската на Бетмен и Џокер на својата девојка)
Двајцата водат идеолошка битка за душата на другиот. Тие се две страни на истата паричка. Двајца индивидуи, кои заради еден лош ден во нивните живот, полудуваат и решаваат да се справат со светот и да го стокмат по нивните сфаќања.

Листата е направена по основа на цената на клуб сендвичите во хотели во главни (или големи) градови низ светот. Во секој град се зема цената на клуб сендвич во хотел со 5, 4 и 3 ѕвезди и се вади просекот за градот. На прво место е - Париз.

Новак Ѓоковиќ од неодамна има туристичка агенција која нуди некои доста интересни аранжмани (адреналински одмори, соло летувања, тениски туризам и сл). Не ни е тоа муабетот. Од сите слики на светов кои им се достапни, Ѓоковиќ и неговиот веб тим за својот сајт ги одбраа сликите на Роберт Смилески, еден наш човек кој ужива да ака по светов во сопствена режија и истовремено е одличен фотоаматер.