Ако некогаш ве интересирало како може да се продаде 100.000 долари дрога за една недела, еве го одговорот. "Упатството" е од дилер од Њујорк, кој тврди дека во секое време, може да те снабди со која било супстанца.

Ова е една добра анти пушачка реклама (во никотинска смисла, не во смисла на партиско пушење за за подобри позиции на локалните избори), ама ние ја пуштаме заради една друга нејзина димензија: да видите колку пушачите се добродушни и благородни луѓе.

Ќе си ја пуштите "The piano has been drinking" од Тома Вејтса, ќе најдете некој тишлерски алат и воала - имате јак алиби везден да си ја пеете оваа песна.

Со суштината на економската "криза" (никогаш не му верувај на Грк кој вика дека е шворц) и со пар детали од грчката култура ќе не запознае Јанис Папас, еден од најуспешните грчки комичари. Мустаќ, бројаница, папуча и бела чорапа. Сето тоа е доказ дека дечкото е упатен во темата.

Вангел Башевски Барми, еден од најуникатните ракописи на македонскиот интернет простор, конечно решил да засука ракави и да отвори свој портал. Аирлија работа друже.

Неделава имаме четири продолженија, што (во најголем дел) имаа и одличен прв дел, плус документарец за славните и нивните најверни пријатели - папараците.

Како реагираа девојки ширум светот на веста дека Џони Деп повтoрно е сингл?

Пријателство, љубов, симпатија, емпатија, тага, среќа, утеха, поддршка, приврзаност... Секогаш кога зборовите не се доволни, ни останува универзалниот јазик на човечката блискост: гушкањето.

Еве зошто некои скопски татковци молат бога единствената ваква забава за нивните деца во градов да остане она јадно вовче во Луна Парк.

Кога ќе фрлиш топче, може и куче да ти го врати. Кога со сета сила ќе фукнеш голф топче, ти треба Дејвид Култхард.

Ако сакате да разберете колку добри глумци се НБА играчите, размислете колку добри НБА кошаркари би биле холивудвските глумци. Отприлика таа е равенката.

Имаме веќе ние на сајтов речник, ама да пробаме малку поискрено да дефинираме некои зборови. На англиската верзија најбрзо (а без врски) реагираше Сеад Џигал со македонски примери.

Брилијантно смислена реклама. Прво, пиво е машка работа (ок, познаваме и ние девојки кои сркаат како смокови, не е сега тоа поентата). Второ, ако не правиш "машки работи", што ти се случува? Пoчнуваш да личиш на жена ти. Толку, oдиме со сликите.

По победата врз Бразилецот Педро Риза, рускиот ММА фајтер Фjoдор Владимирович Емилијаненко најави дека се повлекува од рингот на кој во последниве 10 години им ја извади душата на неколку десетици ѕверови од луѓе. На проштелната борба присуствуваше и Владимир Путин а Федор рече дека се повлекува за да им се посвети на ќерките. "Последниот император" беше убедливо најдобриот, најсилниот, најфасцинантниот и најпитомиот тепач на сите времиња. Видео компилацијата од неговите превоспитувачки битки - не е за секого.

Ауди, Опел, БМВ, Мерцедес и други мозгале како ќе изгледаат нивните автомобили во 2050-та година. Ниту штрафцигер на стакло, ниту место за лакт да извадиш, ниту прикладно за некој јебодром на Водно, ниту ништо.

Сите сме го гледале "The Shining и сите сме се сереле од Џек Николсон, ама, не е само до него, туку и до хотелот. Одлична анализа како генијалниот Кјубрик го користи просторот и ентериерските аномалии да го збудали гледачот. 

Пого е музички продуцент и ремикс арстист со посебен мерак за правење миксови од звуци и реплики од филмови. Пипава работа до последен клик.

Кога излегуваш од кола, сигурен во себе, сигурен во својот кул поглед и потоа една глупа врата ќе ти ја сруши целата таа слика за секунда.

Серија згодни графички решенија за кампања на Плејбој, фино вкрстени со нивниот слоган "Задоволството е во твоите раце" (иако, најдобриот слоган евер беше "Плејбој, магазин што се чита со една рака").

Тие што се занимаваат со маркетинг ќе видат како изгледа да си искрен (или барем да изгледаш дека си искрен), тие што се занимаваат со фотографија ќе научат нешто за тоа како се фотографира храна. Плус ќе дознаете дека постои професија "стилист за храна."

Дечкото напуштил работа и тргнал во потрага по поедноставен живот. Сакал да има свој остров ама немал доволно пари да купи. Па затоа го изградил. Со палми, банани, бавча со зеленчук.... Главниот материјал за островот гледате како секојдневно заминува од контејнерите.

Одиме до еден фин њујоршки бар: шанк, лесно облечени женски, шипка, пијачки, пикадо.... Добра страна: никогаш нема да ви замириса соседна мишка. Лоша страна: не се пуши.

Најава за еден документарец посветен на група христијани кои едвај чекаат да им го свртиш другиот образ.