Неделава заврши и втората сезона од "Игра на Троновите" и тоа поспектакуларно од првиот дел. Приказната се прошири речиси за два пати, дојдоа нови ликови со богати карактери а старите станаа далеку поинтересни и компликувани. Приказната нема да ја раскажуваме бидејќи целата работа треба да се изгледа (или да се прочита), ќе се задржиме на актерите и што правеа пред да влезат во светот на Џорџ Мартин.

Животната дилема на секој женет маж - Дали одеднаш да ги качи сите кеси од супермаркет, или да се враќа на два пати.

Лаги што сите ги имате чуено или кажано, а многу веројатно и двете. И не дека сте излажале нешто страшно, туку најверојатно само сте спречиле непотребна понатамошна дебата и напињање.

"Драги, меѓу нас е готово". Така гласи стандардната реченица, додека таа стои на врата, решена да замине кај друг. Каква е неговата реакција? Зависи.

10 теории за филмови, серии и музика што можат да му текнат само на интернетот. Од тоа дека Аладин се случува во иднината, дека сите филмови на Тарантино се во ист свет, па до тоа дека Вил Смит е мртов и никогаш не стигнал до Бел Ер.

Една вентрилоквистка, еден доброволец од публика и една маска. Тоа е сè што треба да пореметите јавен идентитет на еден човек (запазете само како му се разликува говорот на телото од она "што го зборува"). Пишурија која неодоливо потсетува на настапите на некои македонски портпароли.

Како може да дознаете дека сопственик на еден папагaл обожава да гледа a) вести; б) бизарни клипови од интернет?

Во последниот филм на Скорсезе "Hugo" има еден ужасно долг кадар сниман со ужасно тежок стедикем. Ги имаме двете видеа, како изгледа таа сцена во филмот и како изгледа "во живо". Пробајте да ги синхронизирате.

Направивме мала збирка од неодоливо грди аматерски фотографии. Некои рачно зезнати но поголемиот дел упропастени од неподносливата леснотија на користење Фотошоп.

Џими Кимел го има најјакото обезбедување на свет. Решил да ја реметат жената така што секој дента ќе и прави "да пукне". А таа - неприкосновена господарка на дружељубивоста! Или можеби е со нерегулиран престој па си вика: Ќути жено, може овде е така.

Да се запознаеме со Линдзи Хејвард, висока 208 сантиметри, тешка 109 килограми - чисти мускули! Со други зборови, како ќе изгледа Хулк Хоган кога ќе му досади тоа зеленото и ќе реши да стане плавуша.

17 минутно видео за тоа како се прави Хефнер вилинскиот бас, оној што го познаваме по Пол Макартни (а го свиреа и Тина Вејмут од Talking Heads и студискиот цар Роби Шекспир). Рачно, занатски, со љубов, со знаење. Бтв, еден наш локален мајстор за инструменти го прашале како се прави ќемане. Тој им рекол: Еми, фанеш едно дрво, извадеш сè што не е ќемане и - остане ти ќемане! 

Знаеме дека животот ја имитира уметноста ама мораше ли на нашиве животи да им се паднат баш Симпсонови? Во Спрингфилд доаѓа скулптурата на Давид од Микеланџело. Загрижените мајки (Марџ им е потпарол) оценуваат дека ремек делото е максимално вулгарно и дека треба да му се облечат фармерки. D'oh!

Како мажите и жените различно ја користат играчката од милијарда долари. Покажи ми фотка и ќе ти кажам дали тоа го сликал некој од поубавиот или од  оној другиот пол.

Пренапалени активисти (за која било кауза) знаат да бидат најдосадните тролови на планетава. Не опасни, не одвратни, туку баш така, досадни. Затоа што она што прво им го убива каузата (национална, сексуална, асексуална) е смислата за хумор.

Еден од најпознатите готвачи на светот, Гордон Ремзи, на некој добротворен натпревар во Англија. Против него, легендарниот Теди Шерингам, кој во 25 години кариера нема направено ваков фаул.

Родителите и децата не се разбираат бидејќи често зборуваат на различен јазик. Еве пример како една мајка пробува да ја премости таа јазична клисура и да и каже нешто на својата ќерка, со дикција која малата ја разбира.

На 31 март 2012-та година, едни од најдобрите гласовни таленти на планетата Земја се собраа за да ја оживеат трилогијата Star Wars. Саат и и дваесет минути, тотално уживање во една фантастична радио драма.

Направен е како "најразнообразниот сендвич на светот." Има вкупно 41 различен вид салами кои тежат речиси 5 килoграми (само месо), плус 2-3 вида кашкавал и малку зеленчуци, да разбие малку. Висок е 38 сантиметри, долг 61 сантиметар и се јаде околу 10 часа.

Иако поштуеме добра тепачка (нема ништо подобро од добар нокаут, освен можеби Тифани Томсон), главно на сајтов не ги објавуваме, да не се напнуваме непотребно. Правилото важи - сè додека на наидеме на ваков удар! Прецизен како ласер и неминовен како божја казна! Бам!!! Топаловиќи би рекле: Убиј ѓубре!

Нам глупите никогаш не ни е јасно што може ново да се смисли на светов. Ќе не препознаете по тоа што стално прашуваме: Леле, бе, што ќе им биде следно? И после, кога ќе го извадат тоа "следно", викаме: Да беее, како не ни текна! Е па, не ни текна затоа што сме глупи. Да, имаме видео "од едно следно".

Најстрашното нешто од Евровизија што до сега воопшто не ви (ни) текна. Нема никаква врска со давање гласови на соседи, ниту со човековите права во Азербејџан. Нешто меѓу Мадона и Бабушките.

Уште едно јавно запросување на кое и најголемите мрчатори (=оние кои поседуваат универзална дефиниција КАКВО ТРЕБА ДА БИДЕ запросувањето) тешко ќе му најдат мана. Шармантно, амбициозно и весело! Да сум жена, вака би сакал да ме запросат. Само со друга песна, да ги видам сите можни блиски како ми глумат спот на Марјан Стојановски.