Ако со нас ја делите згрозеноста од количеството патетики и споменарски мудрости со кои е преплавен Фејсбук, тогаш да го побараме коренот. Можеби уште во школо така ги учат? Тоа го мисли и Рики од TPB. Им отиде по тоа школските ходници и им се насра. 

Една бесценета фотографија од Елвис Присли и неколку моменти што произлегоа од неа.

Две причини за објавување: прво, секој што ја знае музиката на Вили Нелсон знае дека никој и никогаш немал причина вака да реагира. Второ, наидовме на еден совршено точен опис на шизикот: вонбрачно дете на Мит Ромни и Џим Кери. Совршено точен!

На интернет врти еден прастар но неверојатен клип кога аѓутантот на Тито, по грешка му ја фаќа раката со врата, за време на посетата на Шведска во 1976-та година. Не знаевме во чие име повеќе нè боли, во на Тито или во име на несреќниот аѓутант. Пар реакции:

До Томас Линдзи и неговиот чудесен глас стигнавме по препорака на некогашната побрадеста половина од дуото Јуритмикс, Дејв Стјуарт.

Што се случува кога ќе споите графички дизајнер, вајар и графички уметник, кои знаат што сакаат и како да го направат тоа? Резултатот е Творница – првата работилница од ваков тип во Македонија, во која занаетот е пречекан од уметноста, од што на крај излегуваат уметнички дела кои имаат и практична примена. Уште поконкретно, еден од резултатите е нешто што тие го нарекуваат модуларна столица - две дрвени рамки плус јаже. Моментално некој во Икеа плаче што ова не му паднало на памет.

Тестот е направен на најновата жетва на смартфони (има Андроид, iOS и Виндоус оперативни системи) и сосема детално ги анализира и споредува уредите. Единствен недостаток на тестот е што во него не е вклучен Галакси С4 и HTC One. За тоа пак го има Лумиа 1020, со камерата од 41 мегапиксел.

Од оние Арапи, што имаат кафански чаршаф на глава и АК-47 во раце, ја покажува својата нежна страна па со тоа што го има, црта срце на небото. Не бре со чаршафот.

Сите 8 досегашни модели на Ајфон, наредени еден до друг, тестирани истовремени за разни задачи. Резултатите, горе-долу, очекувани.

Важи за сите, особено за младината бидејќи не може да очекуваат вечно да го прави тоа некој друг за нив. Особено ако патуваат некаде во странство, да не дозволиме да се срамат. Ролање, базични принципи.

Бангладеш постојано се наоѓа на врвот на листата на најсреќни земји во светот. За да ја проверат вистинатоста на ова, филмаџии решиле да снимаат одговори на улиците на Дака, со единствено прашање: Дали сте среќни? Им била потребна една недела снимање. Кај нас, волку едноставно среќни ќе ги собираш со години.

На некогашната прва дама на Франција среде настап и се случи бланк - за момент ги заборави и текстот и акордите на една од нејзините омилени песни, Quelqu'un m'a dit. Ништо особено, само што тоа и се случи на донаторска конференција за Алцхајмерова болест. Не сме сигурни, може е финта, а може... што ни беше муабетот?

Летото е готово. Време е поштено да се испратиме со него и да го запамтиме онакво какво што - не беше.

Кога Антони Гауди несреќно го изгуби животот од воз во 1926-та година, неговата монументална базилика во Барцелона беше некаде на половина. Да не ја чекаме 2026-та кога е рокот за нејзино завршување; оставштината на Гауди во финална верзија ќе изгледа вака.

Освен ако екраните на нивните омилени играчки- смартфоните и таблетите - не се валкани, денешниве деца не можат раце да извалкаат од играње. Во случајов може, да си играат со песок а во играта сепак да им помага современата технологија.

Мажов е Русин, има 39 години (хмм), злато и крзно, ама нема жена и осамен е, па преку оглас бара Пепелашка (да, баш овој збор го има употребено) со која ќе го сподели сето ова. Долната граница на возраст на потенцијалната кандидатка е 16 години.

Со векови се памтат последните зборови на познатите луѓе, како оние на Цезар: Зар и ти сине Бруте? Ама и обичните смртници знаат да заминат со многу логичен цитат.

Годинава Прово стана еден од градовите во САД кој ќе добие интернет од Гугл (брзина 1000 мегабити во секунда). Еве како градските власти им објаснија на своите граѓани што значи ова. П.С. Ние уште сме на цревото.

Ај да се родиш како срна или глушец па онда ти е фуфка од сите. Ама, побогу, и да си крокодил не си раат на оваа заебана планета! А за Македонија викаат дека е мала бара со многу крокодили. Па видете...

Дури и во општество кое е лишено од остварување на основна човечка потреба како - нарачување песни на жива музика во кафана, луѓето многу лесно се снаоѓаат во улогата на диригирање на цел оркестар и мавтање со раката кој што треба да свири. Напомена: они ова го прават на трезно.

Веќе некое време спорадично налетуваме на двајцава, па дојде ред да ве запознаеме со нив (ако веќе ги знаете уште подобро). Едниот е Jordan Peele, вториот е Keegan-Michael Key, и сеирот начесто им е за односот меѓу расите (глумат црнци, белци, латиноси...). За да не продолжуваме со зборење еве 7 одлични клипови од нив.

Базирано врз искуствата на стотици и стотици програмери, изведено е едно единствено барање што е потребно за да станеш најдобриот веб програмер. Сè што треба е:

Бендот Red Fang имаат 5.000 долари буџет да снимат видео спот. И прават видео спот во кој ни покажуваат како се потрошени парите од буџетот. Генијална идеја, речиси како онаа од спотот со спојувалката.