Школото ги има сите предмети што едно младо момче треба да ги совлада за да израсне во прав чистокрвен мажјак. По земањето диплома тој не само што ќе може во секое време на истепа некој послаб од себе, туку ќе има научено и неодоливи техники за освојување жени.

Уште пред 40 години еден маж од чиста љубов почнува да собира кинески чинии направени од рог на носорог. Сега веќе остарен дедо, решава да ги однесе 5-те предмети на проценка. За нив вкупно има платено 5.000 долари, не е баш премногу заинтересиран да ги продаде, само сака да знае колку вредат. П.С. сумата што ја даваат е само конзервативна проценка.

Децата полека му пораснаа ама за среќа не и тој. Најновото пакетче од најдобриот татко на интернет- BatDad. Жена му ја има во пар ситуации, да видите само колку таа отрпнала.

Во одбрана на дечкото многу буљашка фора му направија, ама па и он е многу цреп. Во одбрана на девојката негова, заслужено му е тоа што му го направи и многу, многу лукаво. На повеќе, снимка од една емисија од радио Антена Загреб и лов на еден дечко што доцна навечер добива известувања од "интернет банкарство," од број заведен во мобилниот како "Вулканизер".

Лекција за тапанари - каков звук вади еден ист тапан ставен во различни околини: гаража, стадион, паркинг... Дечкото одлично тропа, а и има најдено некој што одлично знае да монтира.

Ниту една од овие работи никому не му изгледала важно или интересно кога се случила. И ниту една од овие работи не е повеќе од коинциденција.

Одиме на Папуа. Меѓу местата Кегата и Апово нема ни два километра. Сепак, луѓето одат со авион. А не се мрзи. Еден од нив (оној позади) успева дури и да дремне.

Не е тоа што мора да вршат нужда додека ги гледа народ, не е тоа што сите ги знаат дека имаат мерак на душкање газови, до бањањето е, и на што личат после тоа.

Кој повеќе, кој помалку, ама фино остареле некогашните првоборци на новиот романтизам, њу вејвот и другите жанрови од 80-тите. Добро, Devo факат изгледаат гротескно ама па, ги сакаме. Бонус задача: Најдете го Бој Џорџ.

Елкички, снегулки, санки и други тракатанки.... Мислевме дека класичните американски џемперчиња кои се носат околу Божиќ не можат да бидат по кич. Може, може. Сето тоа, плус да трепка.  

Личниот рекорд на спретност во редакција е носење на три пива во рака без да ги скршиш (ама некој да ти ги поземе на оставање). Иако не е нешто посебно за гордеење, барем не се чувстувавме глупо. И така се до сабајлево кога видовме што прави девојкава, на штикли, на два метра висок моноцикл, со десетина чинивчиња на глава.

Добра вест е што фората работи. Лоша вест е што важи само за Гмаил и функционира само во рок до 30 секунди откако си стиснал "send".

Да беа овие изјави од денешно време, ќе беа трајно впечени во колективното сеќавање. Прво ќе се појавеа на Твитер, па од таму ќе отидоа на Фејсбук, па од таму на сите можни портали, за на крај фотките да завршат на Инстаграм или како гиф на Тамблр.

Официјалниот видео трибјут за Пол Вокер  од студиото Универзал и тимот што го работи Брзи и бесни.

Бидејќи Ленон е веќе мртов, подобро и поуверливо "Don't Let me Down" од ова нема да слушнете. Кристијан Диего, една година и 11 месеци. На прав пат.

Играва некои ја знаат уште од времето кога се викаше "Ла кукарача" и одеше на А1 а ја водеше Неџми. Некои не ја знаат никако. Во секој случај: 4,531,985,219,092 - тоа е вкупниот број на комбинации кои се можни а дечково сепак тврди дека знае начин како 100 посто да победувате! Спојлер: ние не разбравме. 

Илон Маск е ЦЕО на Tesla и на SpaceX, претседавач во SolarCity, човекот позади Hyperloop и е татко на пет деца. Како стига и што уствари тој прави?

Видеото трае 6 минути и 45 секунди, и за ова време треба да ве потсети на (над) 100 филмови што годинава излегоа во 2013-та. Ако за ништо друго ќе ве потсетат на сите филмови што сте си ветиле дека ќе ги гледате и потоа никогаш не ви текнало на нив.

Затоа што цела година ги вртеа, сега ќе ви бидат доволни 3 секунди за да ви дојде песната. И сите овие 20 песни споени во 1 минута, во микс кој има некаква логика.

Во 1996-та година астрономите решаваат да го насочат моќниот Хабл телескоп кон дел од небото која е најцрна темница, во правец кој не е попречен од ѕвезди и планети. По некое време стигаат снимките. Освестувачко видео, за многу животни перспективи и големини.

Анимиран филм по кој уште еднаш до уши ќе се вљубите во капитализмот, тој поредок со бескрајни можности за работа и исполнување на човечката потреба да се биде корисен и да се служи некому.

Таткото на гонзо новинарството чиј пичвајз од живот е овековечен во филмот Fear and Loathing in Las Vegas поживеа 67 години. На крај изгледа морал да се самоубие бидејќи судејќи по неговата дневна рутина, природно бил неуништив.