Иако е амбициозно тврдење, ама веројатно и нема друго видео на интернет со толку прекршени правила за безбедност на работа и безбедност во ракување со тешка машинеријa.

Толпа луѓе се појавува на закажан протест против вакцинирањето деца. На протестот се појавува и еден лик со микрофон, со налик проста мисија - меѓу сите тие луѓе да најде еден доктор. Зошто се запнал да најде доктор? Затоа што едно од тврдењата на овој тип луѓе (а се посебен тип) е дека нивното тврдење е подржано од илјадници и илјадници медицински лица.

Ако во сета своја блаженост денес не најде причина да се изнервираш, дај наваму еден клик и бирај си ја нервозата.

Сè што му треба на Балканец за снаоѓање во Виена е една фраза. И нормално фразата не е ништо комплицирано, просто: пичка ти материна. Она што фасцинира е ликот како до совршенство ги има совладано сите можни емоции кои излегуваат од оваа фраза. А ги има.

Името е Џеф Кунс, стилот е кич, иако кога ќе ги споиш двете Кунс кажува "кич е збор во кој не верувам." Делата што ги прави се продаваат за суми над 10 милиони (знаат да стигнат и до 30), а годинава МОКА (Museum of Contemporary Art) го избра Кунс за носител на гала вечерта за 2017. По повод последново изработено е неколкуминутно видео за Кунс, со нарација на Скарлет Јохансон.

Како што традиционално ги ремети децата за време на Денот на благодарноста (кажете им на вашите деца дека нема благо) и за Божиќ (поклонете им глуп поклон, на пример банана), така Кимел има традиција и за Денот на татковците. И изгледа дека може само да ти биде криво ако не си им наштетил на малите кога си имал шанса.

Признаваме дека не сме најупатени во тој жанр ама во црковното пеење на Запад во меѓувреме се имаат случено некои заебани реформи. Децава пеат како ангели ама може се митарат. Ништо не ни е јасно.

„Сопрано етно џез“ се вика овој супер интересен музички ролеркостер на хармоникашот со врвна техника, Мишел Трајковски, придружуван од џам инструменталисти. На самиот почеток хармониката на Мишел може да ви прозвучи богохулно, ама опуштете се, многу е фраерска и заебантска. Чудни се патиштата џезерски. 

Во 2005 ураганот Ервин уништува огромни (ама огромни) површини шума во Данска и Шведска. Сите паднати трупци ги собираат на едно место. Резултатот е ова складиште.

Снимка од дрон по гасењето на пожарот во кој загинаа над 60 луѓе а 59 беа повредени. Пожарот започна попладнето во саботата и за кратко време, благодарејќи на температурите кои достигнуваа до 40 степени, успеа да се рашири во околни 3 општини.

Ако сме прецизни, човекот е арборист (да, како Дејан), што во превод значи некој кој професионално се занимава со одгледување и изучување дрвја. И ретко кој станува арборист заради слава, туку најчесто тоа се прави од љубов кон дрвјата. На истиот овој човек, градските власти и придружен апаратчик предводен од градоначалникот решаваат да му го исечат 30-годишното здраво дрво во двор, затоа што почнало да им го поткопува тротоарот. Како што решаваат така и прават. По нив, доаѓа на ред тој.

Тоа што водата е мирна и изгледа пријатно а вас ве фаќа жештина, не значи дека одма треба да рипнете во неа. Не знаеме што чудесии се оние, ама, после ова и Матка поинаку ќе ја гледате.

Добар дел од аудио загадувањето на секој град се автомобилските сирени. Се користат во толку многу различни ситуации а сепак на располагање имаме само една, дифолтна. Како кога би требало сите животни ситуации да ги решавате само со една пропишана реченица. Можеби ни требаат неколку сирени, за понијасирано комуницирање во сообраќајот. Од суптилно пингање до урлање. Погодете кое копче кај нас прво ќе се расипе? 

Краток клип кој може да послужи како попис за трите елементи кои треба да ги поседува секоја жена за да ја заслужи таа титула. Количка за пазарување, возење во јавен превоз и водење сметка во секој момент да се изгледа средено. И не се вадете, ако немате количка, можете да имате барем брич.

Интересна теорија на професор од Јејл за тоа како женката еволутивно ја има уљудено машкоста кога наместо поголемите и посилните мажјаци, таа почнала да бира помали модели за партнер. Бидејќи оние првите, ем посељачишта ем поопасни за потомството.

За разлика од вашето служење, задолжителниот воен рок во Јужна Кореа трае 2 години и нема бегање од тоа. Другото, војска ко војска, само ти викаат и ништо не чини.

Џејмс Ранди е ловец на измамници од типот јасновидци, исцелители, магионичари, луѓе со натприродни моќи и сличен еснаф што заработува на туѓа мака, на кои им нуди 1 милион долари ако можат да го докажат тоа што го тврдат. Веќе 20 години никој ја нема земено наградата. Во еден од обидите маж ги покажа своите моќи вртејќи страни од именик со поглед. Во вториот обид, Ранди му истури пердуви околу именикот и го остави да врти. Човекот се откажа.

Дечките имаат ноќна мора од Деспасито, неподносливата латино нумера која ечи од сите страни. Органски не се издржува ама исто органски не можеш да ја ескивираш. Да се разбереме, сите летни латино хитови се неподносливи. Како ли ги штанцаат така глупи а заразни?

За да се труе народ, не треба некоја голема завера од Монсанто, доволна е и лакомоста на обичните трговци - поединци. Преварантите одамна знаат дека секој сака зеленчукот што го јаде да е свеж, зрел и привлечен.

Стивен Спилберг во 1976 има само 29 години, номиниран е за „Ајкула“ и дома со другарчиња се снима за да ја овековечи еуфоријата. Ко да не знае дека во конкуренција му се Фелини со Амаркорд, па Лет над кукавичјото гнездо, па Кучешко попладне....

Акала: Луѓето умреа само затоа што се сиромашни.
Новинар: Па нели дадоа 8 милиони фунти за реновирање пред некое време.
Акала: Не, дадоа пари само за да ја разубават зградата за на богаташите од карши да не им биде грд погледот.

1991-ва, Хелмут Кол како премиер на Германија само што завршува со состанокот во градското собрание во градот Хале. На излегување е пресретнат од група демонстранти кои фрлаат јајца кон него. На ред е Кол.

Може не е вештина како правењето и составувањето јапонски спојки, ама пак има магија и во ова (барем додека не видиш како се прави): штрафење со магнет.

Режисерот на Област 9 неодамна основа сопствено студио со цел создавање оригинални кратки филмови за кои се надева дека подоцна ќе се претворат во долгометражен филм. И во новиот филм борбата е меѓу луѓето и вонземјаните, само овој пат изгледа ние го јадевме. Главниот лик е истиот главен лик од оригиналот Вонземјанин – Сигурни Вивер, и бесплатно настапува во филмот.