Царина / полиција запленува пратка кромид полн со дрога. Прво прашање: како воопшто на некој му текнало ова? Второ, подеднакво важно, прашање: како некој воопшто го извел ова? Бонус: како ги фатиле (ако не се искодошени)?

Рецептот е за ракчиња, состојките ги имате внатре, времето за готвење е 3 секунди. Во овие 3 секунди е целата јапонштина што може да собере една реклама.

Не можејќи да го трпат отпадот што им се лепи по раце, нозе и даски за сурфање, двајца сурфери седнуваат и изработуваат автоматска канта за чистење ѓубре од море / океан. Е сега, кога момциве би направиле исти вакви канти што ќе можеме да ги пуштиме по копно и да жнеат ѓубре во Градски парк, на кеј, на кеј ГТЦ, на Водно, на булевар, покрај пат на семафорите пред Стража, на автобуска, сме решиле 7 од бескрајната низа начини на кои успеваме да ја изгнасиме околината во која живееме.

Ок, целиот скеч е пародија, ама може да пројде само затоа што целата индустрија за супер-лековити-магично-здрави јадења е смешка (што заработува милијарди долари годишно).

Во катастрофата загинуваат од 1000 до 1100 луѓе, а паралелно со нив најголема нечовечка жртва е старо Скопје. Инаку станува збор за приватно видео снимено вон сите тогашни телевизиски репортажи (аудиото е подоцна додадено).

Магичноста на ова што ќе го направи играчов најдобро е доловена од коментаторот на натпреварот: "Може да се убијам ако мене некој ми го направи ова."

Да не бидеме премногу амбициозни дека ова нешто сериозно ќе ви смени во живот. Ваше е кога ќе решите да го послушате и практикувате ова што ви го кажува, негово е да ви каже 5 фори за чистење кујна. Пред употреба, да се купи многу оцет, сода бикарбона и лимон.

Тоа што видеото е направено така чисто и педантно, без капка крв, болка и човечко страдање, совршено ја покажува перспективата на војната на оние што командуваат во нејзе, а не на оние што ја водат на терен. Ова парче од историјата на Мосул започнува во 2014 кога ИСИС го освојува градот.

Дечкиве (@kulbila_fitness) не се некои посебно добри фотографи, туку имаат плац со тегови и вежбаат, и толку (ок, сигурно и кркаат нешто по пат). Целиот профил и нивните резултати се едно масовно резилење на секој еден билдер што се пали на опрема, услови и можности за вежбање. Просто е, мускули не растат од држење Техноџим (и слично не толку познати а извикани брендови), растат од вежбање. Па кој сака, шипка во рака, белки и ориз во кујна, и вежбај. За сега имаат 157.000 следбеници на Инстаграм.

Каде ќе се најдеш ако ископаш дупка низ Земјата и излезеш на сосема другата страна на планетава. Ако си во Македонија и остатокот од Балканот, од другата страна те чека една недогледна океанска пустелија.

Ни снемува од песокот за градење, од тој бескорисниот, пустински, имаме колку сакаш. Пустинскиот е неупотреблив затоа што е премногу ситен, па од овие причини Дубаи целиот песок за изградба на Бурџ Калифа го увезува од Австралија.

Јапонци исфрлуваат забавна емисија во која натпреварувачот не треба да направи ништо освен - да пипне лав. Кај нас на ТВ максимум зајак се има појавено ама кај нас па задачата на водителот е малку поинаква.

Правната држава му покажува на дечкото дека онаа неиздржлива тежина што ја осеќал во пределот на препоните пред да проба да силува девојка, и не е најголемата тежина која тој предел ќе ја почувствува во неговиот живот. Погодете за што му се обесени оние камења?

Пред два месеца, Шинода и Фарел од Линкин парк во интервју објаснуваат дека Честер сериозно и длабоко е погоден од самоубиството на Крис Корнел. Ноќеска, 41-годишниот рокер изврши самоубиство. Ова е последниот поздрав со него на неколку колеги музичари.

Иако добро за тебе ако си дојден со кола, за градот и населбата во која се наоѓа, урбанистички не е ни приближно до добро. Парадоксот е што паркингот зафаќа претерано многу простор, заради што ги оддалечува објектите, и ова паѓа на сметка на пешачењето кое се заменува со возење, заради што пак требаат повеќе коли и повеќе паркинг. П.С. Тоа што некаде не плаќаш паркинг не значи дека е бесплатен, само дека ти е вметнат во цената на работите што таму ги купуваш или плаќаш (кафе, супермаркет, кино...).

Он не се доживува како магионичар, туку како „механичар за карти“, и сака да покаже (и вам, и на Пен и Телер) зошто не треба да играш карти со луѓе што не ги познаваш. Остај го што збори, магионичар е.

Зошто наместо стандардно безлично досадно видео за безбедност во авион, да не направиш супер интересно видео за безбедност во авион, со некои од најголемите ѕвезди на денешницата? Дебелкото не е една за ѕвездите, барем не за сега.

Двајцава момци и копијата на Јул Бринер се нафаќаат на еден веќе повеќекратно виден потфат на Јутјуб, ама не и во локална варијанта - препејување на неколкудеценискиот развој на музиката. Да не бидеме нешто нагло изненадени или увредени, како и до сега и тука под ексју-музика се опфаќа само просторот меѓу Блаце и Словенија.

Скоро сите се одвратни, и (без скоро) сите до еден не се магични како што ги продаваат, ама тоа никогаш до сега никого не пишманило. Исклучок од ова е последниот, кој во нормални количини, излезе дека стварно има магични својства.

Сопругата на комичарот Том Сегура, во програма му објаснува на нејзиното животно од маж кога нивните, некогаш романтични заеднички туширања, станале неподносливи за неа. Џабе ќе фаќате страна, треба да ви е јасно дека машкото и женското се две непомирливи „школи“ на туширање.

Во нешто налик добро осмислен холивудски ефект, сред ноќ минува воз а од чадот што го испушта паѓаат илјадници светулки. Во нешто налик кинеската реалност, возот минува во близина на кинески рудник за јаглен, а светулките се честички јаглен што летаат во воздухот.

Излезе не толку до магијата колку што е до математичката равенка во гласот, и како што објаснува Треј Паркер (Саут парк) кај и да го искористиш ефектот ќе биде поеднакво неодлив за публика.

Кога хукате, од уста ви излегува топол воздух. Кога дувате низ затворена уста, излегува ладен. Така? Така така, харе харе.

Не, ама стварно е проблем. Да, ве разбираме ние вас и сè тоа е убаво, ама разберете нè и вие нас. Стварно е проблем.