И тогаш Бог рече "сакам нешто што е крава-мечка" и би панда. Кога тоа е расчистено, да видиме што е со другите.

Uber Q e мобилна скара која може да се носи секаде. И освен што е мобилна, има и ражен кој се врти. И освен што има ражен кој се врти, на апликација на мобилен ви кажува до кај е месото. Ако уште јадете варено, никој не ви е крив. 

Во истиот момент кога ќе сфатиш дека е намештаљка за пари од осигурување, ќе сфатиш и дека е одлично извежбана - идиот решава да го лупне скутерот од твоја кола и сам да ти си се фрли на хауба. И он така мисли. Ама? Ама, камера во кола.

Ова монтаживе со дијалог уште од првиот клип што го имаме изгледано ни личат на чиста уметност (да најдеш клип, па да ги следиш движењата на уста, па да им закачиш зборови што ќе им одговараат, па тоа што ќе го каже уште да личи на нешто, па налет...). Ама нека не се чаталат, затоа што овој пат муабетот на двајцава стварно изгледаше ко ова да е оригиналната трака.

Од рубриката "Другите работат", денес имаме автобуски седишта.

Татко на четири ќерки, седи, сосе сите четири, и чека сопругата да го открие полот на детето (нешто што последниве години прерасна во мини-церемонија во САД). И го дозна.

Американска двојка со години поседува автентично парче од Берлинскиот ѕид и цело време ги чеша колкаво богатство можат да заработат од ова парче историја. Одат кај човек кој откупува историски сувенири и брзо им паѓа камен од срце. Ама им паѓа на нога. Типот им вика дека такви работи како нивното, на интернет се продаваат за 3-4 долари. Не дека замлати како овие нема и кај нас.

Не мора да е татко, може да е и мајка, или и двајцата. И не мора да е син, може да е и ќерка. Важно е само да ги изрезилиш малите пред камера објаснувајќи им околу мастурбација, колку повеќе толку подобро. Исто е важно и да бидеш спремен ако ти врати со волеј - а, па знам јас тоа.

Сајтот за видеа почнува со работа на 14-ти февруари 2005. Од таму до денес, без ниеден кажан збор.

Сурфаш од лаптоп, додека во позадина ти врти торент, на телефон проверуваш снапови, а во исто време идентично напорно интернетот го имаат јавнато уште други два-тројца што ти се по дома, кога "од нигде никаде" ти паѓа интернетот. Стануваш и со поглед полн презир го гледаш рутерот додека одиш кон него за да го извршиш зафатот што те прави хакер во фамилија - исклучување и вклучување на рутерот во струја. Он ќе пушти пак интернет, ама зошто вака да ти се понаша?

DeepMind е компанијата на Гугл за развивање вешташка интелигенција. Ова што ќе го видите не се движи грациозно како Наоми Кембел ни цепачки како Џон Траволта во Сатрдеј најт, ама, цаката е во тоа што сето тоа, тие самите го научиле. Ни дубаче, ни бутур,

Чопор моторџии, на АПН-ки и веспи, му се сска на шлепер. За кратко време почнуваат да го гаѓаат со бараж молотови коктели. Шлеперот застанува, овие му се нафрлаат ко пирани и почнуваат да го пљачкосуваат. Што товар има шлеперот? Еден од најдефицитарните производи на пазарот - шеќер. П.С. Додека прават чистка во шлеперот, позади нив стои сосема незанимлива цистерна со нафта.

Гугл, Фејсбук, Амазон, Твитер, Редит, Снапчат, па и Порнхаб, повторно мораа фронтовски да се организираат за да го спречат новиот обид на американските власти (а потоа и другите) за укинување на нет неутралноста. Потсетување за што е битката, што некако поверувавме дека е извојувана во 2014.

Не само фаците туку и сите потези со нончаки од легендарната сцена од филмот Game of Death (во оригинал, ко што сме го гледале во кино: Игра смрти). Ако малиот го кине Брус на оваа возраст, кога ќе порасне, што?

Иако само по себе не нешто посебно високо на скалата за "пиар преку скандализирање" ПЕТА се подаде на Твитер да се закачне со сланината. Во нивна одбрана имале они и посериозни напади, ама и ова собра масовна публика, до сега има околу 17.000 одговори, од кои околу половина се на ПЕТА (па оди одржувај им на нив социјални медиуми за 100 евра месечно и наплаќај им за пишување #ДоброУтро секое сабаје). Нивниот твит е "дајте го вашиот најдобар аргумент за јадење сланина".

Имаше многу фотографии од последниот Г-20 самит но една од нив ги собра сите вирални симптоми. Онаа на која Путин седи како Ѕинго на пауза од конгрес на социјалисти.

Како да им е малку што треба да се бранат и справуваат со глад, ловџии и други мечки, па им фалеше уште да се објаснуваат и со наапани Финци со метли и кочијашка уста.

Од сите прашања што нè мачат околу клипов сакаме да почнеме со овие три: Што толку имате против користење количка? Замисли во живот да те бива само за една работа и ова да е тоа? Ракавици, маска, сандали барем, било што?

Зградата е изградена 1999, а срушена 2015 со 1,4 тони експлозив. Зошто некој би рушел нова зграда? Затоа што во овие 15 години никој не се вселил во нејзе, што според властите е премногу долг период за таа да може да се пренамени за нешто друго. Спаваш ли мирно Југобанка?

Кога ќе ги види новите верзии, човек неочекувано може да го пукне носталгија по старите за кои ни во лудило не помислил дека ќе му фалат. Што по стариот добар Боки - нејќам еден, нејќам два, три комада сакам ја - 13, кога беше безбедно заклучен во српско реално шоу со најпрецизен опис на станарите (Фарма), што по претходната будалетинка од Белата куќа, по кого на претходниот сајт имавме крстено и рубрика (Бушалаштини).

Иако тешко про-штипско лоби, на каналов по најразлична основа имаат залутано тв парчиња од Македонија од 70-те и 80-те, и сето тоа (најчесто) некако ненаменски и по рандом избор (освен за две-три теми што провејуваат). Ние извадивме неколку вести и репортажи од времето.

На протестите во Хамбург првите пукнатини во отпорот кон капитализмот и глобализацијата се појавија во редовите на турското малцинство во Германија, кое одлучи да им го сврти грбот на своите соседи и во историските моменти за Германија и светот и да свртат кон сосема други, себични, приоритети.

Прво, ги имаат најјаките маски за мобилни на светот. Второ, ги имаат најјаките реклами за сладолед на светот. Правиш една ваква реклама и се шеташ по Кан, вон конкуренција.