Има и тоа како, само треба да се сака да се реши, а кога не се сака тоа системски, тогаш следуваат овие „направи сам“ решенија на база на висок притисок и нервоза.

Израел Адесанја е еден од најтврдите борци во УФЦ. Роден е во Нигерија, а професионалната боречка кариера ја почнува во Кина и Австралија пред да се префрли во УФЦ. Во УФЦ, има 23 борби, од кои 22 победи и еден пораз (кога реши да крене категорија и од средна да мине во лајт супертешка, околу 10 кг. разлика). Каков што му е уделот во ринг, таков му е и на прес-конференции. Пред последната борба Адесанја, неповикан, реши да каже два збора за Роган.

Ај некако да го објасниш поривот што го имаат да трупат недолжни сандачиња со флаери затоа што народ обожава кога му ги туткаш сметките и поштата, ама некој нека објасни зошто на зграда што очигледно има само 10 станови би и требал топ со 80 флаери? Мада, има герила решение и за тоа.

Почнува со „Мамо, мамо, учителката не ме сака.“ Завршува така што ќе биде во публика на стенд-ап комедија, ќе стане и ќе му каже на комичарот што не е за смеење. Одлична опсервација на дечкото.

Да испереме малку уши од неодамнешниот пример со нашата градинка во која им била пуштана наведената песна (па луѓе се поделија па се заклаа по Фејсбуци). Или да одмориме од сапуницата во која ги малтретираат да кажуваат што за нив значи членството во НАТО. Дечурланци ја изведуваат Sweet Child Of Mine, со пеење и тропање во вангли.

Видовме како е тоа на филм кога комета ќе тргне накај нашата планета. Но како е тоа да се доживее „во живо“? Сериозно организиран и одлично изведен пренк во кој жртвите одеднаш се наоѓаат во исто таква ситуација.

Почина Лук Монтање, францускиот нобеловец заслужен за откривање на вирусот на ХИВ кој за време на пандемијата одеднаш стана „контроверзен“ затоа што беше прв кој се осмели да се посомнева во природното потекло на коронавирусот (заради поседување елементи на ХИВ и маларија). Но барем доживеа да види како неговата богохулна идеја срамежливо бива рехабилитирана.

Ростов е еден од руските градови во близина на границата со Украина, па руската армија реши таму да повежба малку со тенкови заради одржување кондиција. Од сите типови тенкови што беа распоредени на боиштето на крај МВП на вежбите беше - багер.

Едниот правец е песна на Шабан отпеана од Рибља Чорба, другиот е Чорба отпеана од Шабан. И двете одлично функционираат, како така да биле замислени од почеток.

Пред некое време Кинезите спроведоа инстант-карантин и ги затворија во супермаркет сите потрошувачи што се најдоа таму откако еден од нив излезе дека е позитивен на тест. Во исто време дел од тамошните жители преземаат инвентивни мерки за спречување на ширењето на вирусот.

Аргументот против Апу го слушаме веќе неколку години и на крај заврши со бришење на индискиот лик од Симпсонови (за сега). Аргументот за Апу е дека тој всушност е позитивно претставување на индиските мигранти во САД и еден од ликовите кои имаат најпозитивен раст во серијата.

По бегалската кризата што и се случуваше на Полска на границата со Белорусија земјата по многу кошкање со ЕУ сепак се фати за работа, извади машинерија и почна да копа и да го поставува ѕидот на границата. Меѓу главните аргументи за ова е еден унгарски графикон.

Им кажал на родителите дека во последно време по малку е романтично заинтересиран за девојки. Овие се шокирале од тоа пошто во последните години тој бил геј, па нон-бајнари, па транс... Спомнале затруднување ама тек тука се закомплицирале работите (ќе чуете!), за на крај старите да се помират со онаа најбејзик желба: „Абе сине, да имаш еден кров над глава...“  

Превозбуден Мексиканец го начекува Мел Гибсон како си пумпа гума на бензиска. „Зошто си сам?“ Гибсон му вика: „Не знам, зошто си ти сам?“ “Затоа што не сум познат“, одговара глупиот па вика дека има среќа што налетал на таков човек. „Не знам баш тоа, што ако те опљачкам?“ Нормално, клипанот се смее и на тоа.  Фанови се глупи луѓе, генерално.

Каналот Дизни јуниор има нова серија кратки анимирани филмчиња "Rise Up, Sing Out" со која „се праќаат оптимистички и позитивни пораки за расите, културата и славењето различности“. Во оваа епизода, Дизни се зафаќа со детската тема - микро-агресијата.

73-та е годината кога Скопје го добива Градскиот трговски центар. По неколку месеци работа Радио-телевизија Скопје оди да поразговара со вработените во трговскиот, и што им оставило најголем позитивен и негативен впечаток во годината.

Кажи дека балонот на пазарот на станови е пред пукање, без да кажеш дека балонот на пазарот на станови е пред пукање. На страна скопските примери каде инвеститори се однесуваат како да е нормално кога ќе ти кажат 2.200 евра квадрат, еден пример со кирија од 105 евра за стан од 10 м2, и тоа не е ни најлошото.

Мала показна вежба за тоа колку треба да се внимава какви податоци се споделуваат, макар се  работело само за обична фотографија од себе. Тоа важи дури и ако сте кралицата Елизабета.  

За светот да те гледа како што ти сакаш да те гледа, треба да ја проектираш таа слика од себе. Првиот чекор е да имаш самодоверба. Ако сакаш да те гледаат како секси, тогаш прво треба да веруваш дека си секси. Оваа девојка нема проблем со тоа. Таа си има проблем со друго.

Хидрели Диао е бразилски уметник со експертиза за креирање фотореалистични ликови од слики или цртежи со помош на вештачка интелигенција. Пример почнува со слика од Александар Македонски или Цезар или Џорџ Вашингтон, и ја апдејтува и транспортира во 2020-те.

Како претекс на Спотифај пургаториумот во кој беа отстранети 70-тина епизоди од подкастот на Џо Роган, некој имаше спремено компилација од сите моменти кога таму излетал неубавиот збор нигер (нашки: педер, шиптар, каур). Роган рече дека така собрано на куп, и нему му звучи тоа грдо па се извини. Неговите фанови реагираа поинаку.

Четири ефектни, самодоволни и „say no more“ прикази за тоа како и колку трговски партнери имале големите екононски сили во светов во 1990, 2000, 2010 и 2020 година. Кинезот богами поштено тоа го има одработено. Ах, како што и Македонија во истите тие децении поштено имаше одработено 144 земји да нè признаат под нашето име, додека не дојдоа оние ајвани кои го шитнаа.

Да споделиме со вас едно видео кое штотуку му го пративме на човекот кој ни пиша дека извесен Емил Мацановски (бог да го прости) оставил 5,5 милиони долари во една од водечките банки во Того (Того, бе!) и дека малку треба за да лапнеме 40% од парите.

Некогашните трогателни сцени на обединување на разделени семејства од Јужна и Северна Кореја, сега се заменети со сцени, кои ќе видите колку никого не потресуваат, од родители што си ги наоѓаат своите деца изгбуени пред монитор во некоја локална играчница.