Offside › Набрзинка

Толку од него, „Лудиот“ заминува од Уругвај

1 July 2026

Аргентинскиот тренер Марсело Биелса, познат под прекарот El Loco („Лудиот“) одржал 100-минутна прес-конференција по враќањето во Уругвај каде соопштил дека ја напушта клупата на репрезентацијата на оваа земја после дебаклот на Светското првенство.
Уругвај беше една од најслабите репрезентации уште во групната фаза каде одиграа само 1-1 против Саудиска Арабија, 2-2 против дебитантот и анонимус Зеленортски острови и изгубија 0-1 од Шпанија. Со само 2 бода ги спакуваа куферите и си отидоа дома.
70-годишниот Биелса пред три години седна на клупата на Уругвај со цел да го промени стилот на игра и да ја спроведе смената на генерации но на крајот остана горчина.

„Овој крај, ова простување е многу болно. Поради илузиите кои ги гаев и грдиот начин на кој се се заврши. Ако морам да го оценам учинокот на момците кои ги водев, чувствувам дека ги разочаравме навивачите. Тоа е огромна фрустрација. Беше потполно непредвидливо дека исходот ќе биде ваков. Тешко е тоа и да се замисли. Ова е пад кој е тешко да се поднесе“.
„Совршено можам да објаснам зошто мораше да ја завршиме групата со седум бода. Нема сериозна, промислена, објаснета анализа зошто не победивме против Саудиска Арабија, зошто не победивме против Зеленортски острови и зошто не одигравме нерешено со Шпанија. Бевме обединети да истрчаме 20% повеќе од Саудиска Арабија, 30% повеќе од Зеленортски острови и 25% повеќе од Шпанија“, рекол Биелса.
На долгата прес-конференција тој бил прашан од новинарите и за ветеранот на голот Фернандо Муслера кој беше директен кривец за дури 3 примени гола после катастрофални реакции па на последниот натпревар побара да биде заменет на полувремето. „Никогаш не ми се случило играч да ми побара да го заменам поради грешките кои ги направил. Муслер ами кажа дека тој бил толку скршен од грешките што ги направил така што сакал да прекине да игра зошто групата патела а тој не бил во најдобра форма да се соочи со предизвиците во вториот дел“.

извор

Тројца загинати во Мексико, во прославите на пласманот во осминафинале

1 July 2026

Повеќе од милион луѓе се собрале на главниот плоштад во Мексико Сити за време на прославата на победата 2-0 над Еквадор за пласман во осминафинале. Мексинаците играат одлично Светско првенство, редат победи, а навивачите ги бодрат од преполни трибини.
Но масовните и еуфорични прослави земаа и жртви. Три лица биле прегазени и загинале на лице место во огромниот хаотичен метеж, соопштил државниот секретаријат за здравство на Мексико.
Лицата загинале на различни локации околу плоштадот „Ангел на независноста“.
Загинати се 44-годишен маж, 19-годишна девојка и 48-годишна жена кои биле префрлени во болница но таму била констатирана смрт.

извор

Крај на ерата во Лејкерси наречена Леброн Џејмс

1 July 2026

Она за што се шпекулираше со месеци во кошаркарските кругови низ целиот свет, сега доби официјална потврда. Леброн Џејмс дефинитивно ги напушта Лос Анџелес Лејкерс. Ќе игра и во сезоната 2026/2027, ама на друго место.
Оваа ексклузивна информација лично за американскиот ESPN ја потврди Рич Пол, извршен директор на агенцијата Klutch Sports и долгогодишен агент и најблизок соработник на Леброн. Потоа стигна потврда и од самиот клуб.
Заминувањето на „Кралот“ од Лос Анџелес по осум сезони кој им донесе шампионска титула во 2020 година, претставува најголем земјотрес на летниот кошаркарски пазар.
Иако се приближува кон својата 42-ра година, Леброн сè уште поседува извонреден квалитет, па затоа се очекува вистинска војна во наредните часови меѓу екипите што имаат буџетска можност за да го привлечат легендарниот ас.
Се шпекулира дека најдобриот стрелец во историјата на НБА ќе ја игра својата 24-та сезона дома во Охајо или пак во еден од големите кандидати за прстенот.

извор