Вести › Набрзинка

OpenAI собра 122 милијарди долари пред да се појави на берзите

9 June 2026

OpenAI потврди дека ќе биде третата голема компанија од Силиконската долина што годинава ќе ги понуди своите акции за тргување на берза и очекува да достигне вредност над 1.000 милијарди долари.
Компанијата на Сем Алтман ги поднесе официјалните документи за настапување на берзата една недела по главниот конкурент Anthropic на Дарио Амодеи. Аналитичарите укажуваат дека онаа што прва ќе ги понуди акциите на продажба е во позиција да привлече повеќе пари од инвеститорите.
По најголемата рунда на финансирање во историјата на Силиконската долина, во која собра 122 милијарди долари од Amazon.com, Nvidia, SoftBank и други инвеститори, вредноста на OpanAI е проценета на 852 милијарди долари.
Anthropic има послаба кампања, но и повисока проценета вредност од 965 милијарди долари.
SpaceX на Илон Маск е многу понапред во процесот и веќе задутре ќе се појави на берзите со проценета вредност од 1.800 милијарди долари.

извор

Во Албански театар, глумец нема играно претстава цели 15 години

9 June 2026

Државниот завод за ревизија (ДЗР) изрази неповолно мислење за реалноста и објективноста на финансиските извештаи на Националната установа (НУ) Албански театар – Скопје за 2024 година.
Како и во многу други државни институции, ДЗР и во Албанскиот театар утврдил дека има вработени кои не доаѓале на работа, а примале полна плата.
Театарот го издавал просторот со субјективна проценка: од 10 до 240 илјади денари.
Продавале билети без официјално утврдени цени.
Во текот на 2024 година, 20 отсто од актерите не биле ангажирани. Двајца актери не се ангажирани во ниту една претстава од репертоарите од 2011 односно од 2019 година до денес, а на истите им се исплаќала плата за полно работно време без да биде обезбедена потврда за нивно присуство на работа.

извор

Крстевски: Геополитика на духот - Цената на нашето отсуство

9 June 2026

Во време кога границите во Европа ја губат својата физичка смисла, државите почнуваат да се мерат по својата културна присутност. Некои тоа го разбираат рано. Други, за жал, предоцна.
Ова е културолошка борба за културно и идентитетско позиционирање на Македонија на отворената европска сцена.
Македонската интеграција во ЕУ ќе биде поразлична од Словенија и Хрватска, затоа што нашите прашања со соседите се подлабоки. Токму затоа, нашата културна политика во овие процеси мора да биде поамбициозна, поинтелигентна, покреативна и поавтентична.
Ако ние час поскоро не создадеме културно присуство во просторот што ни припаѓа по чувство и сеќавање, некој друг ќе создаде наратив во него.
И тогаш, можеби, нема да се поставува прашањето кои сме. Туку, кој нас нè раскажал наместо нас?

извор