Вести › Набрзинка

Македонија со најголема смртност од ПМ2,5 честички

7 May 2026

Македоија и јужна Италија се најдоа во иста вест, не за нешто добро туку за загаден воздух.
Земјата на la Dolce Vita има сериозен еколошки проблем со највисоки локални концентрации на ПМ2.5 и градови кои имаат пет пати поголеми концентрации од дозволените.
Голем дел од Европејците дишат воздух полош од препораките на СЗО а освен во Италија, критично е на Балканот и Источна Европа, каде што е регистрирана највисока стапка на смртност предизвикана од лош воздух.
Македонија е прва во тоа. На 100.000 луѓе, од ПМ2,5 кај нас умираат 222 лица, во Ирска 10, во Шведска 3, во Финска 0,9.
ПМ2.5 е опасна, фина прашина што продира длабоко во белите дробови и крвта, поради што се смета за поопасна од ПМ10 а може да биде предизвикана од патниот сообраќај, но и од рафинерии, цементарници, фосилни горива и пожари.

Види и: Воздухот убива повеќе луѓе од пушењето

извор

Трамп ќе гледа да ја заврши војната пред да почне фудбалот

7 May 2026

Крај на војната со Иран пред почетокот на Светското првенство во фудбал прогнозира хрватскиот политолог Жарко Пуховски.
Главна причина за повлекување на Трамп ќе биде притисокот на финансиските пазари и цената на горивата во година во која чекаат избори: цената на бензините во САД е зголемена за 50% од почетокот на војната.
„Трамп би можел да најде излез со отворање на Ормускиот теснец, на Иран, кој ќе биде воено онеспособен на долг рок, ќе му се дозволи повторно да продава нафта, ќе му се укине блокадата на иранските пристаништа и евентуално ќе се постигне договор за следење или одземање на нивните резерви на збогатен ураниум.“
Пуховски вака ја сумира блискоисточната авантура на американскиот претседател: „Трамп воено победи но политички ја изгуби војната“.

извор

12 години за наведување на самоубиство

7 May 2026

Стојанче Јовановски е осуден на дванаесет години затвор за смртта на неговите сопруга и ќерка Ивана и Катја.
Беше обвинет за загрозување на сигурноста, телесни повреди при семејно насилство и наведување на самоубиство на неговата сопруга Ивана која на 2 март се фрли од балкон заедно со нивната шестгодишна ќерка Катја.
Прогласен е за виновен за сите три кривични дела што му се ставаа на товар.
Во судската постапка е утврдено дека во периодот од 2023 до 2026 година, на повеќе локации во Скопје, како и во нивниот дом, обвинетиот сурово и нечовечно постапувал кон оштетената, која се наоѓала во материјална зависност од него. Ваквото континуирано насилство кај оштетената предизвикало тешка психичка вознемиреност и чувство на безизлезност. Како директна последица на тоа, таа извршила самоубиство, скокајќи од тераса заедно со нивната шестгодишна ќерка.
Одбраната тврдеше дека не е докажан каузалитетот ниту за кривичното дело загрозување на сигурноста ниту за делото наведување на самоубиство и помагање во самоубиство поради што побара обвинетиот да биде ослободен.

извор