Вести › Набрзинка

Финска ќе блокира трговски договор ЕУ-Кина поради Русија?

25 April 2026

Финска се закани дека може да го употреби правото на вето за да спречи трговски договор на Европската Унија со Кина, освен ако Пекинг не ги прекине своите врски со Москва.
„Блиските врски на Кина со Русија треба бидат дисквалификациски фактор за обидите на Пекинг да почне разговори за договор за слободна трговија“, предупреди финската министерка за надворешни работи Елина Валтонен.
Преговорите не почнале, но на низа состаноци со европски лидери Пекинг ја истакнуваше можноста за трговски или инвестициски договор. Германскиот канцелар Фридрих Мерц во март даде позитивен сигнал за таков договор.
„Се надеваме дека Финска рационално и објективно ќе го гледа нормалниот развој на односите на Кина со другите земји, ќе остане отворена и ќе се воздржи од политизирање или прекумерно обезбедување на економските и трговските прашања“, изјави портпаролот на министерот за надворешни работи, Гуо Џиакун.

извор

На Трамп на 1 мај му завршува законскиот рок за војната со Иран

25 April 2026

Доналд Трамп го продолжи прекинот на огнот со Иран на „неодредено време“, но на 1 мај завршува законскиот рок од 60 дена за воени операции без експлицитно овластување од Конгресот. Претседателот ќе мора до тогаш да ги повлече воените сили, освен ако не добие специјално одобрување од Претставничкиот дом и Сенатот.
Постои опција да добие дополнителни 30 дена, само ако писмено потврди дека е потребно време за безбедно повлекување на трупите, а не за продолжување на офанзивата.
Поранешните претседатели ја заобиколуваа законската одредба со други извори на овластувања. Трамп може да се повика на Овластувањата за употреба на воена сила (AUMF) за специфични цели, применети по нападите од 11 септември 2001 година за „војната против теророт“, во 2002 година за да се отстрани Садам Хусеин и во 2003 година да се одобри инвазијата на Ирак.
Трамп во првиот мандат во 2020 година го искористи AUMF за да го нареди атентатот врз иранскиот генерал Касем Сулејмани.
За време на воената кампања на во Либија во 2011 година, администрацијата на Барак Обама тврдеше дека не е потребно експлицитно овластување од Конгресот, бидејќи нема „активна размена на оган со непријателски сили“.
Бил Клинтон одобри неколку воени операции во Ирак и во Сомалија, а во март 1999 година без одобрение од Конгресот одобри воени дејства против тогашната Сојузна Република Југославија.

извор

Додека трае Евросонг, на РТВ Словенија ќе се зборува за Палестина

25 April 2026

Словенија, Ирска, Шпанија, Словенија, Холандија и Исланд се откажаа од 70-тото издание на Евровизискиот натпревар откако Европската радиодифузна унија одби да го стави на гласање исклучувањето на Израел од натпреварот.
Барање до Евровизија за исклучување на Израел побараа и преку 10.000 музичари и артисти меѓу кои Питер Габриел, Брајан Ино, Пол Велер, Масив Атак... (овде).
Словенечката државна телевизија соопшти одлуката за неучество е донесена „во име на 20.000 деца кои загинаа во Газа“.
Додека траат полуфиналните вечери и финалето, на РТВ Словенија ќе се емитува посебен програм „Гласовите на Палестина“ кој ќе содржи документарни филмови, говорни емисии и анализи кои ќе го осветлата поширокиот контекст на она што се случува на Блискиот Исток.

извор