Вести › Набрзинка

Научници тврдат дека постојат седум димензии

23 април 2026

Уште мака мачиме со четири: три просторни (должина, ширина и висина) и една временска димензија, а науката сега додава уште „три од карти“ во Матриксот.
Физичари тврдат дека постојат три дополнителни „превиткани“ слоеви на реалноста и убедени се дека ова би можело да реши еден од најтврдоглавите проблеми во историјата на физиката.
Според нив, оваа храбра теорија конечно може да објасни што се случува со црните дупки кога ќе умрат.
Науката порано мислеше дека црните дупки се космички празнини од кои ништо не може да избега. Но, во 1970-тите, Стивен Хокинг сфатил дека црните дупки емитуваат зрачење, полека испарувајќи со текот на времето. Проблемот е што ова се чини дека го крши едно од најважните правила на квантната физика, создавајќи нешто наречено информациски парадокс.
Група истражувачи сега велат дека решението за оваа 50-годишна загатка функционира само ако универзумот има седум димензии.
Во меѓувреме, ова се нашите проблеми:

извор

Ќе го направат Артан Груби домаќин човек

23 април 2026

Куќниот притвор на поранешниот вицепремиер и министер за политички систем, Артан Груби, му е продолжен за нови 30 дена.
Од затворски, Груби беше префрлен во куќен притвор на барање на Обвинителството кое таквата одлука ја донело врз основа на тоа дека се обезбедени голем број докази, дека истиот доброволно се пријавил на органите на прогонот (ма, срцка!), како и дека постојат индиции дека во притворското одделение не може да се гарантира неговата лична безбедност.
Груби е второосомничен во случајот со проневери во „Државна лотарија“. Избега од земјава уште пред Обвинителството официјално да отвори истрага а оо повеќе од една година во бегство, се појави на граничниот премин „Блаце“.
Првоосомничен Прпарим Бајрами, сè уште е недостапен.

извор

Филипче: Или Пржинска влада или ќе нè нема за Изборниот законик

23 април 2026

Пржинската влада мора да остане, во спротивно пратеничката група на СДСМ ќе се повлече од работната група за Изборниот законик, изјави лидерот на СДСМ, Венко Филипче.
„Овој целосно автократски манир на владеење на оваа власт што го гледаме е еднаков на владеењето на Никола Груевски. Ако денеска помине на Комисија овој Закон за Владата како што е, нашата пратеничка група се повлекува од работната група за Изборниот законик“, најави Филипче.
Тој изразил уверување дека ќе има предвремени избори, посочувајќи дека затоа им се брза со овие законски измени, пренесува Телма.

извор