Фото: Epa Images
- Прво капитенот на Србија Богдан Богдановиќ, па најдобриот литвански кошаркар и лидер Јокубаитис, па одличниот германски центар Јоханес Фојтман, па Алекс Сар поради кој Франција ќе остане со само еден центар, па Естонецот Сим Сандерс и Летонците Андреј Гражулис и Артус Жагарс...
- Најмалку 7 кошаркари го завршија Европското првенство поради повреди. Селекторот на Летонија Лука Банки вели дека решението би можело да биде во плус тројца играчи во составот на секоја репрезентација односно зголемување од 12 на 15 кошаркари за секое Европско.
- Згуснатиот и напорен распоред и зголемен број на натпревари најмногу придонесува до повреди. Групната фаза почна на 27-ми август а во осум дена секоја репрезентација мора да одигра пет натпревари односно нема да има ниту два дена за одмор еден по друг.
- Поради густиот распоред и во НБА имаше пандемија на повреди па така настрадаа Демијан Лилард, Џејсон Тејтум, Тајрис Халибартон, Џејмс Вајзмен, Ајзеа Џексон, Дру Смит и други.
- Под покровителство на министерството за спорт на Македонија, на 10. септември во хотелот „ДаблТри Хилтон“ во Скопје ќе се одржи Првиот Регионален Спортски Самит – Скопје 2025.
- Преку панел дискусии, учесниците меѓу кои министри, спортски федерации, претставници на спортски клубови, бизнис лидери, академии, медиуми и визионери ќе имаат можност да иницираат конкретни проекти и партнерства насочени кон унапредување на спортот, промоција на здравиот начин на живот и зголемување на улогата на спортот во креирањето одржливи општества.
- Настанот е предвиден во девет панели, а меѓу учесниците ќе бидат Дарко Панчев, Горан Пандев, Борко Ристовски, Гордана Нацева, Индира Кастратовиќ, Бобан Илиоски, Игор Стефановски Иџе, Мила Релјиќ, Предраг Мијатовиќ, Шабан Трстена, Лино Червар...
- По врвниот Суперкуп во кој Еуфорарм Пелистер и Вардар 1961 покажаа уште еден блескав меч пред полни трибини а на крај славеа Битолчани, сега дојде ред и за почеток на новата сезона во Суперлига.
- Овојпат како ретко кога досега покрај гореспоменатите вечни ривали кои во новата сезона влегуваат со нови тренери и играчи, и Алкалоид кој знаеше да им помрси сметки, сега борба за трофеите најавува уште еден засилен суперлигаш - Охрид.
- Охриѓани на клупата го имаат одличниот српски стратег Борис Ројевиќ кој дојде од Војводина а ја засилија екипата и со многу сериозни домашни и странски ракометари. Сите суперлигаши се засилија значително и конкуренцијата ќе биде како никогаш досега.
