Фото: Epa Images
- Ливерпул и Баер Леверкузен конечно постигнаа договор. Најдобриот германски фудбалер Флоријан Вирц ќе потпише за англискиот шампион договор вреден 116 милиони фунти (157 милиони долари).
- Црвените ќе платат иницијални 100 милиони фунти и ќе постават нов клупски рекорд а и нов британски рекорд ако се исполнат сите договорени евентуални бонуси од постигнати успеси на теренот.
- 22-годишниот Германец го надминува досегашниот рекорд во Премиер лигата од лани кога Челси за Еквадорецот Моизес Каиседо плати неверојатни 115 милиони фунти во Брајтон.
- Димитар Митровски (26), откровението на минатата сезона во хрватската прва лига ХНЛ, официјално потпиша за Олимпија Љубљана во која доаѓа од хрватски Вараждин.
- Словенечкиот клуб за него плаќа околу 800.000 евра што е најскапа инвестиција во историјата на клубот. Досега најскапо платен бил Нигериецот Блесинг Елеке за кого во 2016-та „змајчеки“ платиле 750.000 евра.
- Митровски потпишал договор до 2028-ма година и ќе ја пополни позицијата на која играше Раул Флоруц кој заминува во друга лига.
- Митровски сезонава постигна 8 гола на 28 меча за Вараждин. Игра како крилен напаѓач. За Македонија веќе има 8 настапи. Досега во кариерата играл за Работнички, Ханза Рошток, Магдебург и Спортинг Лисабон.
- Легендарната ракометарка на Кометал Ѓорче Петров која постигна 275 гола во Лигата на шампиони се наоѓа на вечната листа од 100 најдобри голгетерки во европската Лига на шампиони. Радуловиќ се пензионираше во 2009-та година а во меѓувреме имаше и неколку повремени настапи во улога на тренер-играч во домашната Суперлига.
- Најдобра во историјата на Лига на шампиони е легендарната Романка Кристина Неагу која има дури 1.232 гола. Јованка Радичевиќ која играше со голем успех за ЖРК Вардар има 1.181 гол а третото место на вечната листа најдобри стрелци и припаѓа на Србинката Андреа Лекиќ која исто играше во Вардар со Радичевиќ. Лекиќ има 1.073 погодоци во елитната Лига на шампиони. Тука се уште и Анита Горбис со 1.016 гола и Ана Грос со 967 погодоци.
