Драганче и тоа Митрески. Што друго да кажеме освен: Евровизијо, спиеш ли мирно?

Каква најава да срочиш за Амди Бајрам, а да не ја опцуеш државава? Заебавајте се вие, ама човекот со децении е на власт, оттука тој лично ги има изгласано сите јавни обвинители во Македонија, сите закони по кои живееме. И сега е дел од некаква проевропска опција. Тибамдржавата.

Тоа неговите пиар-миар служби му се да ги дигнеш на клоци. Оди човекот да гласа да го смениме името (кое ни е главен проблем што не сме Швајцарија) и со тоа да станеме први пријатели со Грција (аха, аха) а позади него - карта на „Голема Македонија“?!

Безброј години после првиот Пато, време е да заклучиме дека тој не беше инцидент туку најава. Пошто баш тој профил мислители ни се намножи некако.

Да имаше Љ.Д. Фрчкоски барем малу од онаа есенција што се нарекува „морал“, немаше да ги соли сите тие гадости за мене, а и за многумина други. Но, тука нема спас: човеков има конгенитална фалинка („морален далтонизам“), а неа медицината не ја лекува.