„Македончик“ е полски документарец кој го прави Петро, син на Мито, еден од бегалците од Егејска Македонија кој завршува во Полска. Петро се враќа во селото на татко му и средбите со луѓето се фасцинантни и длабоко трогателни. Што сè не направија Грците да ги одродат овие луѓе и ама баш ништо не им можат.  Нејќеме да ја поврземе приказната со Преспанска Македонија пошто ќе фатиме да пцуеме и нема да престанеме.

Додека Грција го регистрираше „Macedonia the GReat“ (Мицокатис ја искористи посетата на Заев за во очи да му се насере со официјална промоција на новиот слоган), според Преспанскиот договор (најлошиот договор за Македонија после оној Букурешкиот), ние дури ни следниов слоган не би можеле да го регистрираме. Бидејќи би му фалело северна.

Селските власти имаат проблем со Милен бидејќи тие се тројца во фамилија а тој чува седум парцели за четири гробни места. Четвртиот гроб е резервиран за жена му. Само што Милен не е женет.

Хрватска е последната земја од регионот во која може да се наиде на сочен и крајно нерегулиран балкански живот кој им бега на сите дефиниции, бидејќи веќе во Словенија станува убаво и досадно.