На чекор сме од едно ТВ шоу од домашна продукција на кое однапред блесаво му се радуваме. Наместо она глупо Звезде гранда, да зјапаме во нешто што би се викало „Ѕвездите на Заев“ (иако нас поише би нè бендисал попрецизниот наслов: „Ѕвездите на бандата која ни го смени името“), во кое наместо Карлеуша, Марија Шерифовиќ и бркат Босанац, во жирито би седеле Кирацовски, Радмила и слични ведети кои би бирале опозициони ѕвезди по свој вкус. Како џинглови би оделе Стојанче, Љубе, Крсте и други успешни примери кои продукцијата ги црпнала и ги направила луѓе.

„Скопје ја тргна 'Македонија' од својот павиљон на меѓународниот туристички саем во Берлин“, гласи веста на еден грчки портал за тоа дека по интервенција на нивната амбасада која се повикала на договорот од Преспа, нашиве ко попчиња морале да го извадат слоганот „Macedonia Timeless“ (оној кој го гледавте по Сиенени и слично). Грците сега па уште се жалат дека ќе мора да одат по светот и вака да ни го зачукуваат. 

Во нормална држава едно школо да сакаш да преименуваш учителите и учениците ќе се побунат, родителскиот совет ќе заседава, невладините организации ќе вреват.