Еден таков од 19-вековна Англија бил директен одговор на Индустриската револуција. Домаќинките ги користеле нивните вештини за да инспирираат акција и револуција, особено преку изработка на знамиња - какви впрочем правеле и мајките и сестрите на нашите револуционери.
Сега една слична група од Британија Radicalcrossstich, на сличен начин го канализира бесот кон глупоста на светот и демонстрира визија за тоа како работите да се подобрат, оддавајќи им почит на нивните баби и прабаби.
Cross-stich (или по нашки ’крвчиња’) е техника на везење за која ви треба: шема, конец, рамка за држење на материјалот врз кој везете и ножички. Сето тоа е фино објаснето на страницата на организацијата, која нуди и анимирани инструкции.
Стереотипните написи на вакви везови, кои некогаш стоеја и во нашите куќи а можеби некаде и уште ги има, беа нешто во стилот „Домаќице не збори, да ти ручак не загори" - радикалните домаќинки пак од оваа организација везат цитати од Ниче и Сартр, како и субверзини и револуционерни слогани, најчесто со феминистичка и активистичка содржина. Нам ни е врв омажот на „гомното на уметникот" на Марсел Дишан.
