„Веројатно последниот нивен настап заедно“

Ново шоу на Џон Клис и Ерик Ајдл

Со пајтоновците мислевме дека се поздравивме во пакет за вјек и вјеков уште кога го гледавме нивниот настап пренесуван во живо од арената 02 во Лондон летоска (за што пишувавме тука). Ама двајца од нив сега си прават посебен проект, oбидувајќи се до крај да го „изгребат тенџерето“.

Клис и Ајлд во октомври ќе започнат турнеја со шоуто под наслов „Конечно заедно...за прв пат". Тоа е опишано како мешавина на скечеви и импровизации со музички точки, ексклузивни снимки, водна акробатика и долго парче за прашања и одговори со публиката. Од сето ова реално ни звучи само акробатиката.

Во познатиот ироничен стил тие вака ја образложуваат одлуката главно да настапуваат низ Флорида:

„Да, ова е намерно смислено за Џон и Ерик да си имаат бесплатен одмор. Да, тие немаат проблем да го признаат тоа. Англија е многу сива во октомври". Со оглед на нивните години (Ајдл има 72, Клис 75) ова нема да биде стенд-ап, туку сит-даун комедија.

Ова е трејлерот за нивните настапи, којшто завршува со зборовите - „нивниот веројатно последен настап заедно". Ги држиме за тоа „веројатно"-то.