„Филија“ е еден од четирите старогрчки зборови за љубов (заедно со агапе, ерос и сторге). Во Аристотеловата „Никомахова етика“, таа најчесто се преведува како „пријателство“ или „приврзаност“, а спротивното е фобија.
Еве неколку интересни „љубови“ - некои од нив гранични со опсесија и патологија
Плувиофилија
Кога едвај чекате да врне и се чувствувате најдобро на дождлив ден (има такви?)
Гинотиколобомасофилија
Фетиш за грицкање, шмукање и други активности со женски ушни школки.
Тирофилија
Тирофилите - оние што уживаат во различни видови сирења - можат да се здружат со енофилите, или љубителите на вино.
Погонофилија
Некој кој сака бради (а можеби ги слуша и ЗЗ Топ).
Аилурофилија
Љубители на мачки, или „мачкари“.
Кинофилија
Ова е другиот табор, кучкарите.
Кулрофилија
Курлофилите сакаат кловнови и пантомимичари, односно им се привлечни во сексуална смисла.
Арктофилија
Ако возрасен човек собира плишани мечиња не е чуден. Тој или таа е само арктофил.
Стигматофил
Некој кој е опседнат со тетоважи и друг тип на украсување на кожата.
Перистерофил
Обожаватели на гулаби. Претпоставуваме живи и непечени.
Стегофили
Некој кој ужива во искачување по надворешност на згради и други објекти. Како на пример Ален Робер, попознат како францускиот Спајдермен кој ги има искачено Ајфеловата, Сиднејската опера и зградата на Њујорк Тајмс.
Клинофилија
Буквално - човек кој ги сака креветите. Психијатрите го поврзуваат зборот со нарушувања на сонот и желбата да се остане во лежечка позиција.
Хрисофили
Опседнати со пари и сè скапоцено што светка - посебно со злато.
Уште филии по азбучен ред тука
