За жал, не може да се слушне (и онака ќе намалевте звучници) бидејќи експериментот е правен во вакуумска комора во која во тенок млаз вода (половина од дебелината на човечко влакно) удира уште потенок рентгентски ласер.
И подобро што не може да се чуе бидејќи се работи за 270 децибели, сериозно повеќе од досега најгласното лансирање ракета на НАСА при кое биле измерени 205 децибели.
Ефектите и јачината се следени со помош на ултра-забавени снимки. Горното видео е снимено за 40 наносекунди (40 милијардити дел од секундата) и на него се гледа како пулсирачки ласер инстантно ја преполовува водата, испарувајќи ја течноста која ја допира и праќајќи моќни потисни бранови под секој новонастанат млаз за во рок од 10 наносекунди да се создаде 270 децибели звук од меурчињата кои екслодираат во оние длабнатини на водата.
