Се работи за компанијата СпрингХил ентертејмент, во чиј борд освен Леброн е и Серена Вилијамс, а ЦЕО е бизнис партнерот на Леброн, Маверик Картер. Во бордот на компанијата, меѓу другите, е и наследничката на Њуз корп, Елизабет Мурдок.
Тие себе си се опишуваат како медиумска компанија со „беспоштедна агенда која ќе им даде глас на креаторите и потрошувачите.“
Компанијата е формирана на 11 март, истиот ден кога НБА ја прекина сезоната откако кошаркар на Јута Џез беше позитивен на коронавирусот, а за нејзе беше објавено дури во четвртокот. Името го добива според станбениот комплекс во Охајо каде расте Леброн.
За сега имаат 100 вработени, од кои, како што нагласува Леброн, 40% се жени, а 64% се луѓе од не-бело потекло.
Од бизнис, СпрингХил ентертејмент веќе има потпишано продукциски договори со Волт Дизни и работи со Нетфликс на филм на тема кошарка, во кој глуми Адам Сандлер.
