Инцидентот се случил на граничен премин што се наоѓа на речиси 4.600 метри надморска височина. Според портпаролот на индиската источна команда:
„Агресивното однесување на двете страни резултирало со помали повреди на војниците. Се работи за фрлање камења и расправање кое завршило со тепачка со боксови.“
Портпаролот дополнил дека недоразбирањето подоцна било разрешено преку локален „дијалог и интеракција“.
Двете држави делат граница од над 4.000 километри што минува низ некои од најнедостапните предели на планетава и чии точни координати се оспорени од двете страни. Во 1962 двете држави водат и војна околу границата.
