ЦИА до сега му има исплатено десетици милиони долари на Карзаи, кои рата по рата секој месец во торби пристигнувале во претседателската канцеларијата. Освен Карзаи ЦИА финансирала и неколку негови роднини и соработници, меѓутоа ниту еден не земал колку него.
"Ги викавме 'дух пари.' Доаѓаа тајно и заминуваа тајно," изјавува Халил Роман, кој работел како заменик шеф на кабинетот на Карзаи од 2002-ра до 2005-та.
Дополнителен проблем во оваа пракса било што се покажало дека сите овие пари, и донеле многу малку влијание на ЦИА, а според некои американски функционери токму овие пари се користеле за корупција, засилување на позицијата на воените кланови и поткопување на обидите на Вашингтон за напуштање на Авганистан.
САД не биле единствени што носеле пари кај претседателот, во 2010-та американските функционери кренаа сериозна галама околу тоа што Иран редовно му плаќал на Карзаи со цел да го зголеми своето влијание во земјата.
