Херојот на Бејрут

Во веста која деновиве во најдобар случај беше сервисно третирана, за смртта на 43 лица во два напади на бомбаши самоубијци во Бејрут, најчесто фали делот околу Адел Термос, човекот кој спаси веројатно уште стотина луѓе од самоубијците на ИСИС.

Во четвртокот, Термос со својата ќерка бил на пазарот во јужен Бејрут, кога првиот самоубиец ја активира бомбата. Во хаосот, тој го забележува и вториот самоубиец како се подготвува да ја активира бомбата.

Во моментот Термос се стрчува кон него и го соборува на земја. Самоубиецот успева да ја активира бомбата, Термос загинува, меѓутоа со своето тело успева да ја задуши експлозијата и да спаси најмалку десетици луѓе кои беа наоколу.

"Го собори на земја, предизвикувајќи ја и детонацијата на вториот самоубиец. Има многу многу семејства, веројатно стотици семејства, кои својата целост ја должат на неговата жртва," изјавил блогерот и доктор од Бејрут, Ели Фарес.

Двете експлозии се случиле за време на попладневната гужва. Првичните извештаи беа, дека заедно со Адел загинала и неговата ќерка.

Подоцна информацијата беше демантирана. Ова е ќерката на Адел, за време на собирот во чест на татко и, со неговата слика во раце:

15 ноември 2015 - 10:47