Актери се навивачите на Ајакс кои прават фешта во еден глас.

Работнички вечерва на Филип Втори го пречека турскиот претставник Трабзонспор во рамките на 3. квалификациско коло од Лига Европа, но на стадион има навивачи и на друг турски клуб кои се појавија како провокација.

Романскиот клуб Политехника беше вицешампион, два пати го освои романскиот куп, а има играно и во Лига Европа. Откако клубот пред неколку години се распадна поради финансиски проблеми, нов со истото име оформија навивачите кои на трибините прават спектакл како на аргентинско дерби.

Олд-скул шмек, оригинални текстови за голема почит, полна трибина на нивните славенички настапи, преполни клубови и ресторани. На балканската навивачка сцена ѝ требаше нешто вакво.

Фудбалерот од Гана Емануел Фримпонг е 99. случај на дискриминација во рускиот фудбал во последниве две години. На дуелот меѓу ЦСКА Москва и Уфа беше исклучен откако врати на провокацијата на навивачите на кои им смета што е црнец. Сега за него ќе има суспензија од неколку меча, а кој ќе ги доведе во ред навивачите во земјата кој е следен домаќин на Светско првенство?

Гостите од Кипар влегоа во судир со редарите и полицијата откако на околу половина час пред почетокот на мечот извадија грчко и српско знаме. Туркањата почнаа откако службите за безбедност одлучија да им ги одземат.

Најзагреаните македонски навивачи на Манчестер Јунајтед влегоа во нашиот караван на посети кои со голем ќеиф ги правиме во фан клубовите. Вчера наполнија пет години откако се собираат заедно да ги гледаат „Црвените ѓаволи“, а ние им честитаме и за денешното големо засилување.

Не се ниту на стадион, ниту на тренинг, туку на железничка станица, но кога го имате најдобриот водач атмосферата е како на дерби.

Околу 3.000 најверни навивачи на Бетис присуствуваа на тренингот на нивниот омилен клуб. Пеколното време не ги спречи во намерата да им дадат поддршка на своите идоли кои направија кам бек во Примера. Засилување во новата сезона ќе им биде искусниот Рафаел ван дер Варт.

Некој ќе каже, немаме резултати, ужас сме, катастрофа, дебили играат. Какви-такви, наши се и треба барем да пробаме да им дадеме поддршка па на крајот ако не чинат ќе ги пцуеме и кудиме. Вака, со седење од фотеља (а по ново и од вц шолја со мобилните во раце) нема никогаш ништо да смениме.

Прилепчанецот Никола Брајановски возеше 100км со точак до Охрид за во друштво да го следи полуфиналето од ЛШ против Барса, а Александар Змејкоски на Олимпико во Рим имаше можност да гледа како неговиот омилен тим победува 7:1. Ви ги претставуваме навивачите кои не трепкаат кога игра Баерн.

Не е ниту Светско, ниту Европско, а ниту квалификациски натпревар, но за навивачите на Белгија тоа не менува ништо. На гостинскиот пријателски дуел против Франција отпатуваа околу 6.000 и си поминаа како да биле на Мундијал. 

Фудбалерите на Лацио оваа сезона два пати се враќаат како херои од Неапол. Првиот пат ги елиминираа Наполитанците во полуфиналето од купот, а сега сликата се повтори, но во нивниот тренинг центар имаше уште поголема еуфорија и поголем број на навивачи кои 8 години сонуваа за Лига на шампиони. 

За рубриката „навивачи“ следни кои ни ги раскажаа своите искуства поврзани со омилениот клуб оддалечен на 2.000 км се македонските фанови на Лацио. Тие имаа две среќни ждрепки во Лига Европа кои им го донесоа Лацио во Скопје и Софија. 

Борусија Дортмунд сезонава одигра ужасна сезона, нема да игра ниту во Лига на шампиони, а ќе се поздрави и со Јирген Клоп кој реши да си замине. Тоа не смени ништо кај нивните навивачи кои повторно покажуваат најголема верност.

Славјето на шампионската титула на Бенфика не беше така убав чин како што се очекуваше, а го расипаа неколку португалски полицајци кои се очекува да одговараат за овој чин.

По италијанските и англиските ФАН клубови, свое место во караванот на Офф.нет доби и ФАН клубот на Реал Мадрид од Македонија. Ни раскажаа за вистинското лице на Пепе, за ракувањето и средбата со Флорентино Перез и идејата Реал да отвори камп во нашата земја.

Неделното дерби Торино - Јувентус го обезбедувале 400 редари, ангажирани од домаќинот и приморани да ја работат работата на полицијата за 30 евра. Има многу инциденти за кои ги обвинуваат нив, а не полицијата.

Клупскот автобус на Јувентус бил нападнат пред градската битка со Торино, од која Бјанконерите излегоа поразени 2-1. Тоа беше прв триумф на Биковите над Јувентус после цели 20 години.

На прволигашкиот натпревар меѓу екипите на Шлонск Вроцлав и Лехија Гданск, постигнат е нов рекорд со број на навивачи во количка кои го следеа дуелот во живо.

31-кратниот првак на Бугарија е во длабока криза. На последните 7 меча, ЦСКА Софија има 5 порази и 2 нерешени без ниту еден даден гол (10:0). Поразот во градското дерби од Локомотив ги разгневи навивачите кои од играчите бараа да ги соблечат дресовите, а посебно му се намерачија на Бразилецот Тони Силва.

Играта на Црвените ѓаволи привлекува внимание и кај деца од 9 години. Таков е случајот со Фросина која ѕиркала во телевизорот додека била на роденденска забава и се заљубила во Манчестер. Во Македонија има 397 навивачи на Јунајтед кои членуваат во здружение кое го координира Васко, навивач од времето на легендарниот Ерик Кантона.

Во Италија полицијата има ригорозни контроли на сите навивачки пароли кои се внесуваат на стадионите. Скринингот проверува дали имаат навредлива содржина, но и покрај тоа навивачите успеваат да ги протнат на трибината.

За разлика од групната фаза кога немаше четврток, а да нема инциденти, четврт-финалните дуели во ЛЕ минаа без навивачки нереди освен во Бриж. Се нагледавме кореографии и гостувања.